Lucas 16:31 - Manobo Western Bukidnon

³¹ Ne migkag̵i zutun si Abraham te, ‘Emun kenè dan ebpemineg̵en is menge surat ni Moises wey te ebpemeneuven te Megbevayà dengan, kenè dan daan ebpemineg minsan ke zuen egkevanhew he minatey he edhendiyà te kandan.’ ”

Lucas 16:31 Кръстосани препратки

Lucas 16:30

Ne midtavak haazà is sepian te, ‘Kenè dan, Apù, haazà ebpemineg̵en, iyan, emun duen minatey he egkevanhew he edhendiyà te kandan, ne ed-iniyug̵an dan is memezaat he ulaula zan.’

Lucas 17:1

Ne zuen migkag̵i ni Jesus diyà te menge sumusundan din, ke sikandin te, “Kenà egkehimu he wazà igkeawà te kedsarig te etew kedì, iyan kehizu utew te etew he pinaag̵i kandin egkeawà is kedsarig te minsan hentei he midtuu kedì, su utew meveg̵at is silut kandin te Megbevayà.

Juan 5:47

Ne tenged kayi emun kenè kew edtuu te lalag he insurat ni Moises, kenè kew zaan edtuu te kediey he lalag.”

Nengeulaula 19:8

Ne kada Sebadu taman te tetelu he vulan mibpekiduma si Pablo te menge Hudiyu zutun te kedsimba zan, ne wazè din ikelenew is kebpenurù din kandan. Mezakel is menge ketezengan he imbeg̵ey zin kandan wey zan meketuu te penurù din mehitenged te kedhadì te Megbevayà.

Nengeulaula 26:28

Ne zutun midtavak si Egripa te, “Kela ke kunaan nu ke egkeg̵aanggaan a kenikew egkehimu he tumutuu ki Kristu!”

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

2 Kurintu 4:3

Ne is Meupiya he Tudtulanen he ibpesavut dey, emun in-eles heini, iyan dà neelesan kayi is menge etew he kenà edawat te untung he wazè din pidtemanan.

2 Kurintu 5:11

Ne g̵eina te netuenan dey he utew mekehandekhandek keuzemà haazà is kedsusiya te Nengazen te menge ulaula te menusiyà, edhimuwen dey pezem is taman te egkehimu zey wey meketuu is menge etew. Netuenan te Megbavayà he kenà mezaat is tuyù dey, ne egkesuatan ku he metueni niw zaan heini.