Lucas 16:20 - Manobo Western Bukidnon

²⁰ Ne zuen daan sevaha he etew he egkeayuayu he egngezanan ki Lazaro. Ne haazà si Lazaro, ne neeneb is lawa zin te vekukang. Ne kada andew zutun ne idhated sikandin te menge zuma zin dutun te vunsuzan te valey zutun te sepian

Lucas 16:20 Кръстосани препратки

Mateo 26:71

Ne migawas si Pedro pehendiyà te pultahan dutun te lama. Ne zuen sevaha pa he sulug̵uen he vahi he nekeahà kandin ne migkag̵i haazà is bahi ziyà te menge etew zutun te, “Duma heini ni Jesus he tigNeserit!”

Lucas 16:19

Ne mid-uman megkag̵i si Jesus te, “Duen sevaha he etew he sepian utew. Ne haazà is sepian, utew menge mahal he manggad is idsun-ud din. Ne kada andew ne iyan dà ibpekaan kandin is utew mahal wey metaam he egkeenen.

Lucas 16:21

su ebperateng he ebeg̵ayan sikandin te minsan menge mumu zà he egkengeulug dutun te lemisahan te sepian wey mahantey is getek din dutun. Ne is menge asu zutun, ne ebpemendilaan dan haazà is menge vekukang ni Lazaro.

Juan 11:1

Duen maama he nezeruwan. Is ngazan din si Lazaro he tigBitanya. Duen dezuwa he etevey zin he zutun daan ed-ubpà te Bitanya, si Maria wey si Marta.

Nengeulaula 3:2

Ne zuen lilimusan dutun he puun pa te ked-enaka kandin kenè en ebpekehipanew. Kada andew ed-uwiten sikandin te menge zuma zin ne idsavuk dan diyà te uvey te pultahan te simbahan he egngezanan te Valey te Megbevayà, sikan is pultahan he egngezanan te Mekempet. Iyan idsevuka kandin dutun su wey mekevuyù te limus diyà te menge etew he edseled dutun te simbahan.

Santiago 1:9

Kinahanglan he mebmelipayen is egkeayuayu he tumutuu emun ibpelavew sikandin te Megbevayà.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.