Lucas 15:8 - Manobo Western Bukidnon

⁸ Ne zuen pa maan sempità he impezineg ni Jesus kandan. Ke sikandin te, “Duen sevaha he vahi he midtipig te sepulù he elad he selapì he mahal su pudu pelata. Hengkey is ed-ul-ulahan din ke egketezinan haazà te sengeelad? Iyan ed-ul-ulahan din is edhuna edtemtem te sulù. Ne ebpeyupasan din is baley zin, ne ebpurungan din te ebpen-ahà taman te egkeehè din.

Lucas 15:8 Кръстосани препратки

Mateo 5:15

Ne wazà daan etew he edtemteman din is sulù ne ebpelengkevan din te vinevey, kekenà, idsavuk din diyà te sevukà wey meteyawi is tivuuk he seled te valey.

Lucas 15:7

Ne ke si Jesus te, “Egkeg̵iyen ku keniyu he iring din ded daan, utew zekelà is kelipey ziyà te langit ke zuen sevaha he mesinupaken he ed-iniyug̵an din is memezaat he ulaula zin, kenà dutun te kesiyawan wey siyew he menge etew he kunaan dan ke memetazeng is ulaula zan wey kenà kinahanglan he ed-iniyug̵an dan haazà is mezaat he ulaula zan.”

Lucas 15:9

Ne emun egkeehè din ne ebpenewag̵en din is menge zuma zin wey menge siringan din, ne ke sikandin te, ‘Edlipey kiw en su neehè ku zed heini is selapì he netazin ku.’ ”

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Juan 10:16

Ne zuen pa menge kerehidu ku, he ke và dà egkeg̵iya, menge g̵aked ku he etew, he kenà kayi te seled te ginhedian te menge Hudiyu. Ed-uwiten ku zaan sikandan ne ebpemineg dan kedì. Ne zutun sebsevaha zà is tudil ne sebsevaha zà daan is ed-elima kandan su iyan e zà.

Juan 11:52

Ne kenà tenged te menge Hudiyu zà su netagnè din daan he pinaag̵i te kebpatey ni Jesus egkesevaha is langun he menge etew he egkehimu he menge anak te Megbevayà minsan hendei he inged.

Nengeulaula 19:19

Ne sikan is ebaal te kinaagman, mid-uwit dan is menge libru zan te kebaal te kinaagman ne mibinsulan dan dutun te etuvangan te langun. Ne migkuwinta zan is bali zutun te menge libru. Ne menge kelimahan he libu he elad he selapì is bali zutun.

Ipisu 2:17

Midhendini si Kristu te kelibutan ne impesavut din kenitew is Meupiya he Tudtulanen mehitenged te kelinew. Sikiyu is kenà menge Hudiyu wey sikami is menge Hudiyu, impesavut din kenitew is kelinew te kedepitè tew ziyà te Megbevayà.