Lucas 15:31 - Manobo Western Bukidnon

³¹ ‘Mama,’ egkag̵i haazà is amey zin, ‘sikew, dini ka mulà layun duma ku. Ne is langun he azen ku, ne kenikew. Ne iyan ka teg̵ig̵aked te langun.

Lucas 15:31 Кръстосани препратки

Lucas 15:30

Iyan, heini is anak nu he nekelaga te menge azen nu tenged te kebpengumpadi zin te menge vahi, ne iyan nu mulà midlepaan te impelambù nu he nati!’

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Juan 8:35

Ne is uripen, egkehimu he ibpaawà sikandin dutun te valey he ed-ubpaan din, iyan, is anak te teg̵ivaley, kenà mulà ibpaawà.

Ruma 11:1

Ne kenè tew ed-isipen he tenged te wazà medtuu is menge etew he kevuwazan ni Israyil, mid-engkezan en te Megbevayà is tivuuk he kehudiyuwan su siak, Hudiyu a zaan iring kandan; kepuun ku si Abraham su kevuwazan a he ebpuun duen te sevaha he kevuwazan din he si Benjamin.

Ruma 11:35

Wazà kurang din te minsan hengkey, ne kenà egkehimu he zuen ibeg̵ey tew kandin he egkehimu he egkeutang din kenitew.”

Ruma 9:4

Su menge kevuwazan daan sikandan ni Israyil; mid-anak-anak sikandan dengan te Megbevayà. Ne impeehè din kandan is mekeg̵eg̵ehem he anlag din, ne zuen menge midtukud din he paag̵i te kedtuvazi zin kandan, ne imbeg̵ey zin kandan is kesug̵uan, ne impenurù din kandan is paag̵i te ked-ezapa kandin. Ne mezakel pa is meupiya he penaad din kandan.