Lucas 15:29 - Manobo Western Bukidnon

²⁹ Ne midtavak haazà is anak din te, ‘Tenuzi nu, Amà, ke sengemenu is keug̵et te kedterebahu ku kayi he iring te sulug̵uen nu. Wazè nu egketenuzan he sug̵ù nu he wazè ku pemineg̵a te minsan hengkey he timpu. Ne minsan pa zutun ne wazà a kenikew veg̵ayi te minsan kambing dà duen wey a mekelipeylipey zuma te menge emig̵u ku.

Lucas 15:29 Кръстосани препратки

Mateo 20:12

‘Sengeuras dà is kedterebahu kayi te nengehuziyan, ne sikami, ne tivuuk he andew is ked-antus dey te utew meinit, ne imped-iiring nu zà is suhul zey te langun!’

Lucas 15:28

Ne zutun utew neepes haazà is kakey ne wazà mebpemenahik dutun te valey. Ne zutun mibpenaug haazà is amey zan he ednayùnayù is egkag̵i ziyà te kandin te, ‘Laus ke man dini, Mama.’

Lucas 15:30

Iyan, heini is anak nu he nekelaga te menge azen nu tenged te kebpengumpadi zin te menge vahi, ne iyan nu mulà midlepaan te impelambù nu he nati!’

Lucas 15:7

Ne ke si Jesus te, “Egkeg̵iyen ku keniyu he iring din ded daan, utew zekelà is kelipey ziyà te langit ke zuen sevaha he mesinupaken he ed-iniyug̵an din is memezaat he ulaula zin, kenà dutun te kesiyawan wey siyew he menge etew he kunaan dan ke memetazeng is ulaula zan wey kenà kinahanglan he ed-iniyug̵an dan haazà is mezaat he ulaula zan.”

Lucas 17:10

Ne iring kew zaan dutun. Ne emun egkepasad niw is ebpeveelan keniyu te Megbevayà, ne itag̵ù niw ziyà te isip niw he menge sulug̵uen kew zà te Megbevayà ne midtuman niw zà is menge sug̵ù din keniyu.”

Lucas 18:9

Ne sengeandew maan dutun ne impezineg ni Jesus is sempità. Ne heini is sempità, ne iyan egkesug̵at is menge etew he kunaan dan ke iyan dan dà memeupiya is ulaula ne edsudien dan is langun he menge zuma he etew.

Lucas 19:21

su ingkehandek ku sikew, su is egkekag̵i nu ne idteg̵el nu, ne ebperateng ka te uswag te ibpiyal nu te zuma nu. Ne iring ded daan te ibpepemula nu su ebperetengen nu is abut.’

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

Ruma 3:20

Su wazà minsan hentei etawa he egkeisip te Megbevayà he metazeng pinaag̵i te kedtumana zin te kesug̵uan su layun din egkesupak is kesug̵uan. Umba imbeg̵ey is kesug̵uan su wey tew mesavut he mesinupaken kiw ves te menge sug̵ù te Megbevayà.

Ruma 3:27

Umba, wazà igkezantal te minsan hentei. Kenè ki ebpekekag̵i he iyan ketezengan ke maan is ed-isipen ki te Megbevayà he metazeng su midtuman ta is kesug̵uan su iyan idewata kenita te Megbevayà is kedtuu ta ki Jesus.

Ruma 7:9

Hein aney, wazè ku metueni ke hengkey is kesug̵uan, ne zutun, henduen be te wazè ku salà. Ne hein impenurù kedì is kesug̵uan, netuenan ku he mezaat bes is menge ulaula ku. Ne tenged kayi nesavut ku he ziyè e ves ebpekezunggù te kemetayen he wazè din pidtemanan!

Impezayag 2:17

Is minsan hentei keniyu, mebpemineg te egkeg̵iyen te Wag̵as he Mulin-ulin diyan te keniyu te menge tumutuu. Is etew he ebpekezaag ki Setanas, ebeg̵ayan ku sikandin te in-eles ku pa he egkeenen he mana he ziyà ebpuun te langit. Ne ibeg̵ey ku zaan kandin is meputì he vatu he insurat dutun is beg̵u en he ngazan. Iyan dà egkesayud te ngazan dutun is ebeg̵ayan.’ ”

Impezayag 3:17

Egkag̵i kew te, “Sepian kiw ne meupiya is kebpekesavuk tew ne wazè tew en kurang te minsan hengkey.” Ne minsan pa zutun, wazè niw metueni he mekehizuhizu kew utew su egkengeayuayu kew te kedtuu; nengelakap is isip niw wey nengelevasan kew su wazè niw menge metazeng he ulaula.