Lucas 15:18 - Manobo Western Bukidnon

¹⁸ Iyan tumù ne ed-ulì e zed diyà te amey ku, ne iyan egkeg̵iyen ku ziyà te kandin is: Amà, dekelà utew is salè ku ziyà te Megbevayà wey zini te kenikew te amey ku.

Lucas 15:18 Кръстосани препратки

Mateo 3:6

Ne haazà he menge etew, intangdù dan is menge salè dan ne mibewtismuwan din sikandan diyà te wahig he Hurdan.

Mateo 6:14

Su sikiyu is menge etew, ke ebpeseyluwen niw is nekesalà keniyu, ebpeseyluwen kew zaan te Amey tew he ziyà te langit.

Mateo 6:9

Iringi niw heini ke ed-ampù kew: ‘Amey zey ziyà te langit, berakat he tehuza te menusiyà is ngazan nu,

Mateo 7:11

Ne sikiyu is menusiyà he kenà memetazeng, emun meupiya is ibeg̵ey niw ziyà te menge anak niw, iyan pe be is Amey tew he Megbevayà diyà te langit kenà meupiya is ibeg̵ey zin diyà te minsan hentei keniyu ke ebuyù ziyà te kandin.

Lucas 11:2

Ne migkag̵i si Jesus te, “Iyan heini iringi niw ke ed-ampù kew; ke sikiyu te, ‘Amey zey ziyà te langit, berakat he tehuza te menusiyà is ngazan nu. Berakat he medhadì ka te menusiyà.

Lucas 15:17

Ne hein neug̵et dutun ne nekepurung sikandin mekeisip-isip. Ke sikandin te, ‘Langun te menge sulug̵uen te amey ku ne idsegkayè dan is egkeenen, iyan, siaken heini, ne egkeumes e en te vitil.

Lucas 15:19

Kenà ad dait he ed-isipen nu pa maan he anak nu, kekenà, isipe e zà kenikew he sevaha te menge sulug̵uen nu.’

Lucas 15:21

‘Amà,’ egkag̵i haazà is kenakan, ‘utew zekelà is salè ku ziyà te Megbevayà wey ziyan te kenikew te amey ku. Kenà ad dait he ed-isipen nu pa maan he anak nu. Ne himuwe e zà he sevaha te menge sulug̵uen nu.’

Lucas 18:13

Iyan, haazà is sevaha he etew he menunukut te vuhis, ne mibpekeziyù sikandin is ebpekezuzungul ne egkepenempaling din is kumeng din su utew neseeng. Ne mid-ampù sikandin diyà te Megbevayà he egkag̵i te, ‘Megbevayà, ikehizu a utew kenikew is sevaha he etew he mekesesalà!’ ”