Lucas 14:7 - Manobo Western Bukidnon

⁷ Ne zuen daan dutun menge etew he mid-umbita zaan dutun te Perisiyu. Ne hein ebpememinuu zan en is egkaan ne naahà ni Jesus he ebpilien te menge etew is ebpinuuwan dan he meupiya he ebpinuuwan he zutun ibpepinuu is menge lavew he menge etew. Ne tenged kayi impezineg ni Jesus kandan is penurù din, ke sikandin te,

Lucas 14:7 Кръстосани препратки

Mateo 13:34

Ne heini is langun, ne impenurù ni Jesus diyà te mezakel he menge etew pinaag̵i te menge sempità. Minsan hengkey he impenurù din kandan, ne pinaag̵i te sempità.

Mateo 23:6

Iyan egkesuatan dan he utew zan tehuza ke edtelavuk dan te keemuran; ne emun diyè dan te simbahan, egkesuatan dan he iyan sikandan ibpepinuu ziyà te ebpepinuuwan te lavew he menge etew.

Lucas 11:43

Kehizu niw te menge Perisiyu su emun diyè kew te simbahan egkesuatan niw he ibpepinuu kew ziyà te menge pinuuwà te menge egalen. Ne emun diyè kew te tiyenggiyan, utew ibmeupiya te g̵ehinawa niw ke edtehuzen kew te menge etew.

Lucas 20:46

“Andam kew limbe wey kew kenà mekeiring te menge menunudlù te kesug̵uan su iyan dà egkesuatan dan is kedhiphipanew he memelayat is kemisula he edtehuzen sikandan te menge etew emun diyè dan te mirkadu. Ne emun diyè dan te simbahan egkesuatan dan he iyan sikandan ibpepinuu ziyà te ebpepinuuwan te lavew he menge etew. Ne egkesuatan dan daan he utew zan metahud ke edtelavuk dan te keemuran.

Pilipus 2:3

Kinahanglan he kenà kew mebpekidlawan ne kenè kew mebpelavew, kekenà, isipa te minsan hentei keniyu he minus is pid-etawan din kenà te zuma zin.

3 Juan 1:9

Mibpesuratan ku is menge tumutuu ziyan, iyan, si Diyutripis, kenè din ebpemineg̵en is menge sug̵ù ku. Iyan egkesuatan din is: iyan dà sikandin ebayàbayà.