Lucas 14:35 - Manobo Western Bukidnon

³⁵ Ne wazè en iyan pulus din su kenà egkeg̵amit te minsan ebunu he pelambù te tanà ne ed-engkezan dà. Kinahanglan he sevuta niw heini is nezineg niw.”

Lucas 14:35 Кръстосани препратки

Mateo 11:15

Heini is nezineg niw, sevuta niw.

Mateo 13:9

Ne mid-uman megkag̵i si Jesus te, “Sevuta niw heini is nezineg niw.”

Marcos 4:23

Kinahanglan he sevuta niw heini is nezineg niw.”

Lucas 13:8

Iyan, migkag̵i haazà is impeelima zutun te, ‘Kenè te pa zè pa, Anggam, ebpilayen su ebpeseseg̵azen te pa seled te sengetuig. Edhig̵ewanan ku pa is pelingut ne ebukbukan ku pa te pelambù te pinemula.

Lucas 8:8

Ne zuen daan benì din he ziyà mengeulug te meupiya he tanà ne midtuvù ne mibpemeg̵as mebpurung te tignenggatus.” Ne ke si Jesus te, “Sevuta niw heini is nezineg niw.”

Lucas 9:44

“Kenè niw lipati heini is egkeg̵iyen ku keniyu, duen timpu keuzemà he siak is Kakey te Menusiyà, ibpalad a ziyà te menge kuntada ku,” ke sikandin.

Juan 15:6

Su ke zuen etew he edsuwey kediey, ed-engkezan sikandin iring te subpang he idtimbag wey meg̵angu. Ne is menge subpang he nengeg̵angu, edtig̵umen ne idtimbag diyà te hapuy wey metutung.

Impezayag 2:11

Is minsan hentei keniyu, mebpemineg kayi te egkeg̵iyen te Wag̵as he Mulin-ulin diyan te keniyu te menge tumutuu. Is etew he ebpekezaag ki Setanas, kenè en egkeragkes te silut he iyan is ikezuwa he kemetayen.’ ”

Impezayag 2:17

Is minsan hentei keniyu, mebpemineg te egkeg̵iyen te Wag̵as he Mulin-ulin diyan te keniyu te menge tumutuu. Is etew he ebpekezaag ki Setanas, ebeg̵ayan ku sikandin te in-eles ku pa he egkeenen he mana he ziyà ebpuun te langit. Ne ibeg̵ey ku zaan kandin is meputì he vatu he insurat dutun is beg̵u en he ngazan. Iyan dà egkesayud te ngazan dutun is ebeg̵ayan.’ ”

Impezayag 2:29

Is minsan hentei keniyu, mebpemineg kayi te egkeg̵iyen te Wag̵as he Mulin-ulin diyan te keniyu te menge tumutuu.’ ”

Impezayag 2:7

Is minsan hentei keniyu, mebpemineg kayi te egkeg̵iyen te Wag̵as he Mulin-ulin diyan te keniyu te menge tumutuu! Is etew he ebpekezaag ki Setanas, edtug̵utan ku he mekekaan sikandin te veg̵as te kayu he iyan puunà te untung he wazà pidtemanan he ziyà te ed-ubpaan te Megbevayà.’ ”