Lucas 14:32 - Manobo Western Bukidnon

³² Ne emun egkevelansi zin he kenà ebpekesukul is menge sundaru zin, ne meupiya pa ke edsug̵uen din is menge sulug̵uen din dutun te kuntada zin te meziyù pa is menge sundaru te kuntada zin su wey zan mebpehusayà te wazè pa mekevulug mekedtebek is menge sundaru zan.

Lucas 14:32 Кръстосани препратки

Mateo 5:25

Ne emun duen etew he insumbung ke zin ne egkeuwit ka ziyà te hukmanan, meupiya ke ebpekidhusey ka kandin te kenè kew pa ebpekeetuvang te huwes. Su emun ebpekeetuvang kew en te huwes kela ke ipalad ka zutun te huwes diyà te pulis ne egkepirisu ka.

Mateo 5:42

Ke zuen ebuyù, ebeg̵ayan ta; ne ke zuen edsambey, edsembayan ta.

Lucas 12:58

Penenglitan duen etew he idsumbung kew zin, ne ed-uwiten kew zin diyà te hukmanan. Himuwa niw is taman te egkehimu niw su wey kew kandin mebpekidhusey te kenè kew pa ebpekeetuvang te huwis. Su emun ebpekeetuvang kew en te huwis, kela ke izata kew zin diyà te pulis ne egkepirisu kew.

Lucas 14:31

Ne migkag̵i si Jesus te, “Iring din ded daan is hadì. Su is hadì he ebpekidtebek te sengehahadì ne kinahanglan he edhuna sikandin ebelansi ke ebpekezaag is sepulù he libu he menge sundaru zin te keluwaan he libu he ebpemekeuma he sundaru te kuntada zin he sengehahadì.

Lucas 14:33

Ne iring din ded daan,” ke si Jesus, “su sikiyu is edsundan kediey, kenè kew egkehimu he tutuu he menge sumusundan ku emun kenè egkeawà diyà te g̵ehinawa niw is ked-engkezi niw te langun he egkenug̵unan niw.”

Lucas 19:14

Iyan, is menge meg̵inged dutun te inged te prinsipi, ne ingkeepes dan sikandin, ne hein migenat en, duen midsug̵ù dan he ibpetelukun kandin wey zan ikepesayud is lavew he hadì dutun te ebeyaan te prinsipi he kenè dan igkesuat he iyan mekehadì kandan haazà is prinsipi.

Nengeulaula 12:20

Ne zutun he timpu nepeukan ni Hadì Hirudis is menge meg̵inged diyà te menge inged he Tiru wey Sidun. Mibpetavang dan ki Belastu he sinerig̵an ni Hirudis he edumala te turug̵an din. Ne nengetig̵um dan su edhendiyè dan te ki Hirudis su edhengyuan dan he maawà is pauk din kandan. Umba mid-ulaula zan haazà su ziyè dan dà ebpekekuwa te keuyag̵an te inged dutun te hadì.