Lucas 14:28 - Manobo Western Bukidnon

²⁸ Penenglitan, ke zuen sevaha keniyu he ebevaley te utew metikang he valey, ne zutun te kenè pa sikandin ebpuun ne egkuwintahan din is selapì he egkeg̵astu zin su wey zin metueni ke egkeveleveg din be haazà is baley he ibpehitindeg din wey ke kenà.

Lucas 14:28 Кръстосани препратки

Mateo 10:22

Egkuntedahan kew te langun tenged te sumusundan ku sikiyu. Iyan, sikan is edhamen te kedtuu zin kedì taman te ketepusan dutun te menge kemeresayan, ebeg̵ayan te untung he wazè din pidtemanan.

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Lucas 14:27

Ne iring din ded daan sikan is etew he egkesuat he edsundan kediey, iyan, kenà edtiang te krus din, he ke và dà egkeg̵iya, egkehandek he edtuman te menge sug̵ù ku su kela ke iyan ibpatey zin, ne kenà daan egkehimu he tutuu sikandin he sumusundan ku.

Lucas 14:29

Su emun kenè din egkuwintahan is selapì he igkeg̵astu zin ne kela ke tekew zin en ikepasek is menge tukud ne zutun dà taman. Ne is mezakel he menge etew he ebpekeahà dutun ne ebpemenggemenggemen is edsudì su haazà is baley, ne tekew en tukud he ingkepasek.

Lucas 14:33

Ne iring din ded daan,” ke si Jesus, “su sikiyu is edsundan kediey, kenè kew egkehimu he tutuu he menge sumusundan ku emun kenè egkeawà diyà te g̵ehinawa niw is ked-engkezi niw te langun he egkenug̵unan niw.”

Nengeulaula 21:13

Iyan, midtavak si Pablo te, “Maan is edhimuwen niw he utew a meseeng pinaag̵i te kedsineg̵ew niw? Su emun intug̵ut en te Nengazen tew he si Jesus he iyan heeyan egkehitavù kedì, andam ad, kenà te kebpepirisu zà, kekenà, minsan te kebpehimatey ziyà te Hiruselim.”