Lucas 14:26 - Manobo Western Bukidnon

²⁶ “Sikan is etew he egkesuat he edsundan kediey, iyan, iyan dekelà diyà te g̵ehinawa zin is ginikanan din, esawa zin, menge anak din, menge suled din, ne emun kenà, ne iyan dekelà diyà te g̵ehinawa zin is keugelingen din he lawa, ne kenà egkehimu he tutuu sikandin he sumusundan ku.

Lucas 14:26 Кръстосани препратки

Mateo 10:37

Ke zuen etew he iyan mahal ziyà te g̵ehinawa zin is amey zin wey iney zin kenà siak, kenà dait sikandin he egngezanan he sumusundan ku. Ne ke iyan mahal ziyà te g̵ehinawa zin is anak din kenà siak, kenà daan sikandin dait he egngezanan he sumusundan ku.

Lucas 14:20

Ne is sevaha pa he etew zutun, ne egkag̵i te, ‘Kenà a ebpeketelavuk su sikan pa meipus is kebpeesewaa kediey ne umba kenà a ebpekehendiyan.’

Lucas 14:25

Ne sengeandew zutun te edhipanew si Jesus ne utew mezakel is menge etew he ebpemenduma kandin. Ne midsineruwan din sikandan te egkag̵i te,

Juan 12:25

Is etew he egkenug̵unan din is untung din dini te kelibutan, ebpatey sikandin gihapun, iyan, is etew he tenged kediey kenè din egkenug̵unan is untung din dini te kelibutan, egkekuwa zin is untung he wazà pidtemanan.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

Ruma 9:13

Ne zuen pa insurat he Lalag te Megbevayà he edhenduen te, “Mahal zini te g̵ehinawa ku si Hakub, kenà si Esau.”

Pilipus 3:8

Ne kenà dutun dà taman is mid-engkezan ku, kekenà, mid-eminan ku engkezi is minsan hengkey he zekelà dini te g̵ehinawa ku su wey ku mekuwa is utew pa lavew he mahal he iyan is kebpekidsevaha ku ki Jesu Kristu te Nengazen ku. Tenged kandin mid-engkezan ku is langun ne mid-isip ku heini he abper zà dini te kelibutan wey a mekepekidsevaha ki Kristu,

Impezayag 12:11

Heini is menge suled tew, nezaag dan en si Setanas tenged te kedtig̵is te lengesa te migeraran he impemuhat he nati he kerehidu, wey tenged te insangyew zan is tutuu he tuluuwen, wey tenged daan te wazè dan iyan menug̵uni is untung dan, kekenà, mibpehimatey zan tenged te kedtuu zan.