Lucas 14:18 - Manobo Western Bukidnon

¹⁸ Iyan, is menge etew he mid-umbita zin, ne wazà diyà te g̵ehinawa zan haazà is keemuran. Is kada sevaha zutun ne mibpemituwà te kenà ebpeketelavuk dutun. Is duma ne egkag̵i te, ‘Kenè dà mebmezaat is gehinawa nu kedì su kenà a ebpeketelavuk su zuen tanà he veg̵u ku pa he nepemasa ne edleuyen ku g̵untaan.’

Lucas 14:18 Кръстосани препратки

Lucas 14:17

Ne hein netuman en haazà is keemuran ne midsug̵ù din is sulug̵uen din he ibpetukew en is menge etew su nengelutù en is igastu. Ne ke sikandin diyà te menge sulug̵uen din te, ‘Keg̵iyi niw sikandan he medhendini zan en su naandam en is langun!’

Lucas 14:19

Ne is sevaha pa maan dutun ne migkag̵i te, ‘Kenè dà mebmezaat is gehinawa nu kedì su kenà a ebpeketelavuk te keemuran su zuen sepulù he vaka he sikan ku pa mepemasa ne igezam ku id-edadu!’

Lucas 18:24

Ne zutun midtengtengan sikandin ni Jesus ne ke si Jesus te, “Utew mereg̵en te sepian he etew is kebpesakup din te Megbevayà wey mehedii sikandin te Megbevayà.

Lucas 8:14

Ne haazà is benì he ziyà mengeulug te tanà he zug̵iyen is menge sagbet dutun, ne iyan is Lalag te Megbevayà he nezineg te menge etew, iyan, tenged te menge seeng dan wey is suat dan te selapì, wey is menge kelipey he kayi te kelibutan, egkelipatan dan is nezineg dan ne kenà ebpulus diyà te kandan is Lalag te Megbevayà.

Juan 1:11

Minsan te ziyà sikandin mekeuma te keugelingen din he menge inged, wazà utew zutun te menge zuma zin midawat kandin.

Juan 5:40

iyan, kenè kew edtuu kediey. Angin ke ebpeketuu kew su ebeg̵ayan kew te untung he wazà pidtemanan.

Pilipus 3:4

Iyan, ke egkehimu he egkeserig̵an is iring dutun, egkeserig̵an is nengeulaula ku zengan su ke zuen etew he kunaan din ke egkeserig̵an din is kedtumana zin te menge kelibutanen he tulumanen, ne egkelevawan ku pa sikandin te kedtumana kayi.

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

2 Timoteo 4:4

Kenè dan ebpemineg̵en is tutuu, kekenà, iyan dan edtuuwan is menge tarù he g̵ug̵ud.

Hibriyuhanen 12:16

Bantey kew su wey wazà minsan sevaha keniyu he meremerik is ulaula zin wey ke ed-iniyug̵an din be is Megbevayà su iring kayi si Esau zengan. Is ketenged din te kegkekakey he anak, inliwè din te keenen he sengepegkaan dà.