Lucas 14:17 - Manobo Western Bukidnon

¹⁷ Ne hein netuman en haazà is keemuran ne midsug̵ù din is sulug̵uen din he ibpetukew en is menge etew su nengelutù en is igastu. Ne ke sikandin diyà te menge sulug̵uen din te, ‘Keg̵iyi niw sikandan he medhendini zan en su naandam en is langun!’

Lucas 14:17 Кръстосани препратки

Lucas 14:16

Ne zutun impezineg ni Jesus kandin is sempità. Ke sikandin te, “Duen sevaha he etew he midtukud te zekelà he keemuran. Ne haazà is etew, ne mezakel is menge etew he mid-umbita zin.

Lucas 14:18

Iyan, is menge etew he mid-umbita zin, ne wazà diyà te g̵ehinawa zan haazà is keemuran. Is kada sevaha zutun ne mibpemituwà te kenà ebpeketelavuk dutun. Is duma ne egkag̵i te, ‘Kenè dà mebmezaat is gehinawa nu kedì su kenà a ebpeketelavuk su zuen tanà he veg̵u ku pa he nepemasa ne edleuyen ku g̵untaan.’

Juan 7:37

Utew mahal ziyà te menge Hudiyu is ketepusan he andew te kedsilibra zan te pista. Ne hein netuman en haazà, midhitindeg si Jesus ne midhabet megkag̵i te, “Is etew he egkemezahan, medhendini te kediey ne ibpeinum ku sikandin.

Nengeulaula 13:26

Ne menge suled,” ke si Pablo, “sikiyu is menge zuma ku he kevuwazan ni Israyil wey kevuwazan ni Abraham, wey sikiyu zaan is kenà Hudiyu he ed-azap daan te Megbevayà, iyan kiw kes mibpeuwitan te Megbevayà te Meupiya he Tudtulanen wey kiw melibri te kedsiluti kenitew.

2 Kurintu 5:18

Iyan midhimu kayi is Megbevayà su pinaag̵i ki Kristu midhimu kiw zin he menge emig̵u zin. Ne mibpeveelan din daan kenami is kedhimuwa te zuma he etew he meemig̵u zin.