Lucas 13:29 - Manobo Western Bukidnon

²⁹ Mezakel zaan dutun is menge etew he kenà menge zuma niw he Hudiyu he ebpemuun diyà te heepat he pesag̵i kayi te kelibutan. Ne ebpemekepinuu sikandan dutun te keemuran te langun he edhedian te Megbevayà.

Lucas 13:29 Кръстосани препратки

Mateo 8:11

Ne kenè niw lipati heini is egkeg̵iyen ku he mezakel he etew he kenà menge Hudiyu he ziyà ebpemuun te meziyù, diyà te zapit te edsilaan wey ziyà te zapit te edsenlepan, ne ebpekidtug̵en dan keuzemà ki Abraham wey ki Isaak wey ki Hakub diyà te ginhedian te Megbevayà.

Marcos 13:27

Ne zutun edsug̵uen ku is menge velinsug̵uen ku pehendiyà te heepat he pesag̵ì kayi te kelibutan. Ne edtig̵umen dan is menge pinilì ku he etew he ebpuun te minsan hendei kayi te lumpad te kelibutan.

Lucas 13:30

Duen guntaan menge etew he kunaan niw ke egkengehuziyan su kenà menge zuma niw he Hudiyu, iyan, emun egkeume en haazà he andew ne iyan sikandan egkehuna te langun he edhedian te Megbavayà. Ne zuen daan menge etew g̵untaan he kunaan niw ke egkengehuna, iyan, emun egkeume en haazà he andew ne iyan sikandan egkengehuziyan te langun.”

Nengeulaula 28:28

Ne migkag̵i zaan si Pablo te, “Ibpesavut ku en keniyu he is tudtul te paag̵i te kegkelibriya te Megbevayà te menusiyà, insug̵ù din he ipesavut heini zaan diyà te menge etew he kenà Hudiyu, ne ebpemineg dan mulà.”

Kulusas 1:23

Iyan, kinahanglan he kenè niw engkezi is kedtuu te tutuu he tuluuwen, kekenà, lig-eni niw is kedtuu niw ne kenè kew medarà is ebpaabut te langun he impenaad te Megbevayà he nezineg niw zengan hein impenurù keniyu is Meupiya he Tudtulanen. Heini is nekag̵i he Meupiya he Tudtulanen, ne insangyew ziyà te menge etew ziyà te minsan hendei. Siak si Pablo, midsug̵ù a wey ku ikesangyew is Meupiya he Tudtulanen.

Kulusas 1:6

Heini is migkag̵i he Meupiya he Tudtulanen, pinaag̵i te kedtuu kayi, mezakel en he menge etew ziyà te minsan hendei he inged is mibmeupiya is menge ulaula zan. Ne kenà duen dà taman su ed-iseg ebmezakel is menge tumutuu pinaag̵i te Meupiya he Tudtulanen, iring te layun daan ed-iseg ebmezakel is menge tumutuu ziyan te keniyu puun pa zutun te andew zengan he nezineg niw is tudtul te g̵ag̵ew kenitew te Megbevayà wey netuenan niw he venar iyan.