Lucas 13:27 - Manobo Western Bukidnon

²⁷ Ne edtevaken kew zin te, ‘Kenè ku iyan egketuenan ke hentei kew wey ke hendei kew ebpuun. Sikiyu is memezaat is ulaula, awè kew en dini.’

Lucas 13:27 Кръстосани препратки

Mateo 25:12

Ne midtavak haazà is ebpengesawa te, ‘Kenè ku sikiyu egkekilala.’ ”

Mateo 25:41

Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Lucas 13:25

Su edlekevan te teg̵ivaley haazà is gemawan. Ne emun diyè kew pa te g̵awas ebpenelehuzan kew is egkag̵i te, ‘Puwasi key kenikew!’ Ne iyan dà idtavak dutun te teg̵ig̵aked is, ‘Kenè ku egketuenan ke hentei kew wey ke hendei kew ebpuun.’

1 Kurintu 8:3

Ne haazà mulà is etew he mahal ziyà te gehinawa zin is Megbevayà, iyan sikandin kes migkag̵i te Megbevayà he g̵aked din.

Gelasya 4:9

Iyan, guntaan te nekilala niw en is Megbevayà iring te kegkekilelaa zin keniyu, maan is edlikuan niw is wazà pulus he menge tuluuwen he kenà ebpekelibri keniyu te silut? Maan is egkesuatan niw he meuripen kew en maan kayi?

2 Timoteo 2:19

Ne minsan pa zutun kenà egkehalin kes tuluuwen he midtukud te Megbevayà su zuen insurat he Lalag te Megbevayà he edhenduen te, “Egketuenan te Nengazen ke hentei is menge etew he g̵aked din,” wey zuen pa zaan lalag he edhenduen te, “Is minsan hentei he egkag̵i he g̵aked sikandin te Nengazen, ne kinahanglan he ed-iniyug̵an din is mezaat he ulaula.”