Lucas 13:17 - Manobo Western Bukidnon

¹⁷ Ne haazà is tavak ni Jesus, utew ingkeeled te menge kuntada zin. Ne is duma zutun he mezakel he menge etew, utew zan nengelipey te langun he menge egkengein-inuwan he mibeelan din.

Lucas 13:17 Кръстосани препратки

Lucas 14:6

Ne zutun ne wazè dan meketavak.

Lucas 18:43

Ne segugunà nekeahà haazà is lakap. Ne zutun midumazuma en sikandin ki Jesus is utew nekezalig te Megbevayà. Ne haazà is menge etew he nemekeahà dutun, ne nemekezalig dan daan te Megbevayà.

Lucas 19:48

Iyan, kenè dan egkeg̵aanggaan te edhimatey sikandin su is langun he menge etew, ne utew zan egkengevenari he ebpememineg kandin.

Lucas 20:40

Umba nekag̵i zan heini su kenè dan en ebpekesukul pa maan he ed-insà ki Jesus.

Nengeulaula 4:21

Iyan, impaawè ded sikandan ne mibeleuzan dan he kenà ipesangyew. Ne haazà is menge ebmeg̵urangen, wazè dan neisip he paag̵i te kedsiluti kandan su nahandek dan te menge etew. Is langun he menge etew, midalig dan is Megbevayà tenged te egkein-inuwan he nehimu,

2 Timoteo 3:9

Kenà ebpekeuswag is ed-ul-ulahan te menge etew he iring kayi su egkeahà te langun he engey sikandan iring ki Hanis wey ki Hembiris.

Tito 2:8

Is minsan hengkey he ibpenurù nu, ne kinahanglan he zutun ebpuun te hustu he tuluuwen su wey kenà egkekag̵i he sayep ne zutun wazà igkesudii kenita te menge kuntada ta, kekenà, egkeeled dan.

1 Pedro 3:16

Mebmetinehuzen kew is edtavak wey menayù is kegkag̵i niw. Kinahanglan he wazà salà he netag̵ù diyà te g̵ehinawa niw te menge sumusundan ni Kristu su emun wazà ulaula niw he mezaat egkeeled is edsudì keniyu tenged te egkeg̵iyen dan.