Lucas 13:13 - Manobo Western Bukidnon

¹³ Ne midsamsam ni Jesus is peka zutun te vahi ne zutundutun ne neketeng is peka zin. Ne nekezaligdalig haazà is bahi te Megbevayà.

Lucas 13:13 Кръстосани препратки

Mateo 9:8

Hein naahà heini te menge etew zutun, nengehandek dan ne midalig dan is Megbevayà tenged te mibeg̵ayan din is menusiyà te keg̵ehem he iring kayi.

Marcos 16:18

Ne minsan ke ebpekeg̵awed sikandan te menge uled wey ebpekeinum sikandan te minsan hengkey he edhilu, kenà sikandan egkekeizan. Ne emun edempaan dan is egkengezeruwan, ne egkengeulian.”

Marcos 5:23

Ne midhengyuan din si Jesus te, “Is anak ku he vahi he edrag̵arag̵e en, ne edluwàluwè en te g̵ehinawa. Edhengyuan ku sikew he hendiyè ka te valey ku wey nu penemsama wey meulii ne meuyag.”

Marcos 6:5

Umba, wazà egkein-inuwan he ingkepaahà ni Jesus dutun he inged. Pira zà dutun he egkengezeruwan is midepenetan din te velad din ne nengeulian sikandan.

Marcos 8:25

Ne zutun mid-umanan dempaa ni Jesus haazà is mata zutun te lakap. Ne zutun mibpurung mebpenlangulangu haazà is lakap ne egkemelmeleg̵an din en is menge etew te ed-ahà su mibmeupiye en is mata zin.

Lucas 13:12

Ne zutun te kegkeahaa ni Jesus kandin, mid-umew zin ne ke sikandin te, “Ayà, egkeulian ke en keniyan te zaru nu.”

Lucas 18:43

Ne segugunà nekeahà haazà is lakap. Ne zutun midumazuma en sikandin ki Jesus is utew nekezalig te Megbevayà. Ne haazà is menge etew he nemekeahà dutun, ne nemekezalig dan daan te Megbevayà.

Lucas 4:40

Ne hein edsanlep en is andew, is langun he menge etew he zuen duma zan he egkezeruwan, mibpen-uwit dan diyà te ki Jesus haazà is egkengezeruwan. Ne edempaan dà ni Jesus is kada egkezeruwan dutun ne egkeulian en.

Nengeulaula 9:17

Ne zutun migenat si Eneniyas ne midhendutun te valey ne hein nekeseled midepenetan din si Seulu te egkag̵i te, “Sikew Seulu, is suled ku, midsug̵ù a zini te Nengazen he si Jesus he mibpaahà kenikew ziyà te imbayè nu. Impehendini e zin su wey mepuwasi en is ked-ehè nu, wey ka meulini te Wag̵as he Mulin-ulin.”