Lucas 12:6 - Manobo Western Bukidnon

⁶ Ne ke si Jesus te, “Duen tagbis he egkepemasa te etew is lelima he vuuk te dezuwa zà he tumbag̵a. Ne minsan pa zutun, is Megbevayà, kenè din id-awà diyà te isip din is minsan sevaha kandan.

Lucas 12:6 Кръстосани препратки

Mateo 10:29

Egkepemasa ta is dezuwa he zezeisey he tagbis te sengesintabus dà su utew minus is bali zan. Ne minsan pa zutun wazà minsan sevaha kandan he ebpatey ne egkeulug diyà te tanà emun kenà egkesuatan te Amey tew he Megbevayà.

Marcos 12:42

Ne nekeuma zutun is balu he vahi he utew egkeayuayu. Ne inhalad din is dezuwa he selapì he tumbag̵a he utew zeisey is bali zin.

Lucas 12:24

Isipa niw is menge uwak; kenè dan ebpemula; kenè dan edrag̵un ne wazè dan daan lawig he ederengdengan dan. Ne minsan pa zutun ebpengelintau is Megbevayà te egkekaan dan. Ne iyan kew pe be is etew he lavew pa he mahal ziyà te kandin kenà is menge uwak!

Lucas 12:27

Ahaa niw is menge kevukazan ke hengkey is kedtuvù dan. Kenè dan edterebahu ne kenè dan daan ebpengavel. Ne minsan pa zutun, egkeg̵iyen ku keniyu he minsan si Hadì Sulumun dengan he utew sepian wey nevantug, ne wazà mekesusuluwan is kezagwey te menge bisti zin te kezagwey kayi te menge kevukazan.