Lucas 12:46 - Manobo Western Bukidnon

⁴⁶ Su zutun te andew he wazè din peebuta wey te uras he wazè din metueni, ebpekeulì haazà is egalen din. Ne haazà is sulug̵uen, ebeelan diyà te kandin is iring te ebeelan diyà te menge sulug̵uen he kenà egkeserig̵an ne edhimetayan sikandin te egalen din.

Lucas 12:46 Кръстосани препратки

Mateo 24:50

Su zutun he andew te wazè din peebuta wey zutun te uras he wazè din metueni, ebpekeulì haazà is egalen din.

Mateo 24:51

Ne haazà he sulug̵uen, edsilutan sikandin dutun te egalen din ne ebeelan diyà te kandin is iring te ebeelan daan diyà te menge etew he tarù is kedtuu zan. Ne zutun ebpekekulahì sikandin ne ebpekengingitel tuus te utew zin kebpekedsendit.”

Lucas 12:40

Ne sikiyu zaan, kinahanglan he mebpekevantey kew su siak is Kakey te Menusiyà, ebpekeuma a te uras he wazè niw isipa he ebpekeuma a.”

Lucas 12:45

Iyan, kehizu zin ke iyan diyà te isip din is menaney pa ed-ulì haazà is egalen din ne ebpemug̵elen din is menge zuma zin he sulug̵uen he maama wey vahi ne iyan dà baal zin is egkaan wey ed-inum ne egkelangut.

Lucas 12:47

Ne sikan is sulug̵uen he netuenan din en is ibpeveelan kandin te egalen din, iyan, wazà med-andam ne wazà medtuman te ibpeveelan kandin te egalen din, ne kenà sikandin ed-uraman te ebug̵el zutun te egalen din.

Impezayag 16:15

Ne zutun nengetig̵um te menge mezaat he mulin-ulin is menge hadì wey is menge sundaru zan diyà te tanà he migngezanan te Ermegidun te kineg̵iyan he Hibriyuhanen. “Purungi niw pemineg̵a heini,” ke si Jesu Kristu, “su iring te kebpekeuma te tekawen is kedlikù ku. Is etew he kenà edlipezeng ne ed-endamen din is bisti zin, he ke và dà egkeg̵iya, ebpeebuten e zin, egkelipey sikandin dutun su kenà sikandin egkelevasan, he ke và dà egkeg̵iya, kenà sikandin dutun egkepeel-elezan.”