Lucas 12:45 - Manobo Western Bukidnon

⁴⁵ Iyan, kehizu zin ke iyan diyà te isip din is menaney pa ed-ulì haazà is egalen din ne ebpemug̵elen din is menge zuma zin he sulug̵uen he maama wey vahi ne iyan dà baal zin is egkaan wey ed-inum ne egkelangut.

Lucas 12:45 Кръстосани препратки

Mateo 22:6

Ne is duma he etew zutun, migewezan dan haazà is midsug̵ù te hadì, ne mibpemug̵el zan ne human dan himetayi.

Lucas 12:44

Egkeg̵iyen ku keniyu he is sulug̵uen he metinumanen, idsarig kandin is langun he menge azen te egalen din.

Lucas 12:46

Su zutun te andew he wazè din peebuta wey te uras he wazè din metueni, ebpekeulì haazà is egalen din. Ne haazà is sulug̵uen, ebeelan diyà te kandin is iring te ebeelan diyà te menge sulug̵uen he kenà egkeserig̵an ne edhimetayan sikandin te egalen din.

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

Juan 2:10

ne migkeg̵iyan din te, “Sumalà te vetasan tew, ke zuen keemuran, ibpenag̵ey idhuna is utew metaam he vinu, ne emun dekelè en is egkeinum te menge etew human ebpeneg̵aya is kenà utew metaam. Iyan, sikew, guntaan nu en peneg̵aya heini is binu he utew metaam!” ke sikandin.

Nengeulaula 2:18

Su sikan is menge sulug̵uen ku,” ke sikandin, “menge vahi se maama, ibpelumun ku kandan keuzemà is Wag̵as he Mulin-ulin ne ebpeneuven ku sikandan ne ibpesavut dan te menge etew is lalag ku.

Ruma 16:18

Su is menge etew he ed-ulaula te iring kayi, kenè dan edtumanen is sug̵ù te Nengazen tew he si Kristu, kekenà, iyan dan edtumanen is kandan he menge suat. Pinaag̵i te ketau zan te kegkag̵i wey pinaag̵i te mekempet he egkeg̵iyen dan, egkeekalan dan is isip te menge paglung he etew.

2 Kurintu 11:20

Su ke zuen minsan hentei he ebmandarmandar keniyu wey ke zuen ed-ag̵ew te menge azen niw wey ke zuen edlimbung keniyu wey ke edlupig̵en kew zan wey ke ebug̵elen kew zan ne ed-entusen niw.

1 Tiselunika 5:7

Sikan is edlipezeng, edlipezeng te mezukilem, ne sikan is egkelangut, egkelangut daan te mezukilem.

2 Pedro 2:13

Utew merasey is silut he egkeantus dan keuzemà iring te merasey zaan is ibpeantus dan te menge etew. Iyan kelenganan he egkesuatan dan is kedtumana zan te minsan maandew pa te minsan hengkey he meremerik he kebayà te lawa zan. Igkeeled niw wey igkesudii sikandan keniyu su minsan ke ebpekidtug̵en dan keniyu ziyà te menge keemuran niw utew zan egkesuati is kedtarùtarù keniyu.

2 Pedro 2:19

Egkeg̵iyen dutun te menge menunudlù he egkelibri ki pinaag̵i te kedsunuza kandan su idtug̵ut kun kenita is minsan hengkey he ulaula, iyan, nasì nengeuripen pa sikandan te menge ulaula he ebpekezezaat su netuenan ta he uripen is etew te minsan hengkey he ebpekevayàbayà kandin.

Impezayag 16:6

su mibpenhimetayan dan is menge tumutuu kenikew wey menge ebpeneuven dengan ne g̵untaan ibpeinum nu kandan is lengesa su iyan hustu he ibales nu kandan!”

Impezayag 18:24

Midsilutan is dekelà he inged he Bebilunya su zutun mid-ag̵as is lengesa te menge etew he g̵aked wey ebpeneuven te Megbevayà. Ne is langun he nevunù dini te tivuuk he kelibutan, ne pinaag̵i zaan kayi te inged.