Lucas 12:21 - Manobo Western Bukidnon

²¹ Ne mid-uman megkag̵i si Jesus diyà te mezakel he menge etew, ke sikandin te, “Iring kayi te sepian he etew is minsan hentei he edtipig te zekelà he ketig̵eyunan, iyan, wazà diyà te kandin is minsan hengkey he igkesuat te Megbevayà.”

Lucas 12:21 Кръстосани препратки

Lucas 12:33

Ivelegyè niw is langun he azen niw ne ipemeg̵ey niw is halin diyà te menge egkengeayuayu. Pinaag̵i kayi egkehimu he zuen ketig̵eyunan niw ziyà te langit. Is menge azen niw ziyà te langit, ne kenà egkezeetan ne kenà egketerinan su wazà ebpenakew ne wazà ipes he ebpekeketket.

Lucas 16:11

Emun kenè ka egkeserig̵an he ibpeg̵awed te menge ketig̵eyunan he kayi te kelibutan, ne kenè ke en iyan ibpeg̵awed te Megbevayà te menge tutuu he ketig̵eyunan diyà te langit.

Lucas 6:24

Iyan, kehizu niw te menge sepian guntaan su emun egkehanew is menge ketig̵eyunan niw wazè en duma pa he igkelipey niw keuzemà.

Ruma 2:5

Ne minsan pa zutun, mezesen pa utew is gehinawa nu ne kenè ka egkesuat he ed-iniyug te mezaat he ulaula; ne kada andew ed-iseg ebmeveg̵at is silut he idrasey kenikew keuzemà dutun te andew te kedsilut te Megbevayà. Ne zutun he timpu ibpeehè din kenitew is metazeng he kedhukum din.

2 Kurintu 6:10

Mezakel is menge seeng dey, iyan, layun key egkelipey. Henduen be te utew key egkeayuayu, iyan, pinaag̵i kenami, edsepian te wazà pidtemanan is mezakel he menge etew. Henduen be te wazè dey azen, iyan, naangken dey is langun he ibeg̵ey te Megbevayà.

1 Timoteo 6:9

Is menge etew he egkesuat he medsepian, melemu sikandan egkepenulayi wey egkeseleizi. Mezakel is menge suat dan he wazà pulus ne ebpekezezaat heini. Ebpekezezaat heini kandan wey egkehimu zaan he ibpatey zan heini.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

Impezayag 2:9

Netuenan ku is kegkeantus niw te kemeresayan; netuenan ku he egkengeayuayu kew. Ne minsan pa zutun sepian kew utew pinaag̵i te kedtuu niw. Netuenan ku he kenà benar is id-ituk keniyu te menge etew he egkag̵i he menge Hudiyu zan, iyan, kenà sikandan tutuu he Hudiyu su mibpekid-upakat dan ki Setanas.