Lucas 12:12 - Manobo Western Bukidnon

¹² Su is Wag̵as he Mulin-ulin, iyan ebpenurù keniyu zutun he timpu; ne egketag̵ù diyà te g̵ehinawa niw is ibpekag̵i zin keniyu.”

Lucas 12:12 Кръстосани препратки

Mateo 10:19

Ne emun ed-uwiten kew zan diyà te hukmanan, kenè niw ikeseeng ke hengkey is egkeg̵iyen niw wey ke hengkey is paag̵i te kegkag̵i niw, su wey niw en egketuenan ke ziyè kew en te etuvangan dan su zutun ibeg̵ey keniyu is hustu he egkeg̵iyen niw.

Mateo 10:20

Su is egkeg̵iyen niw zutun, ne kenà menge lalag he ebpuun te keniyu he isip, kekenà, diyà ebpuun te Wag̵as he Mulin-ulin he midsug̵ù te Amey tew he Megbevayà. Ne heini is Wag̵as he Mulin-ulin, iyan ebekà te menge vebè niw.

Lucas 12:13

Ne zuen sevaha he maama zutun te nengevurun he menge etew. Ke sikandin te, “Datù, iyan ka metau te kakey ku he vehini e zin te menge azen he kevilin dey te amey zey he minatey en.”

Lucas 21:15

Su iyan e en metau te idtavak niw te menge insè dan. Ne ibeg̵ey ku zutun keniyu is ketau te ked-isip-isip wey kew meketavak. Ne zutun haazà is menge kuntada niw, kenè dan ebpeketavak te ketezengan niw ne kenè dan daan ebpekepeg̵intarù te tutuu he egkeg̵iyen niw.

Nengeulaula 4:8

Ne zutun midtavak si Pedro is nepurung ulini te Wag̵as he Mulin-ulin, ke sikandin te, “Sikiyu is menge punuan wey ebmeg̵urangen dey,

Nengeulaula 6:10

Iyan, mibeg̵ayan si Esteban te ketau te Wag̵as he Mulin-ulin umba wazè dan igkelawan te ketezengan din.

Nengeulaula 7:55

Ne si Esteban, nepurung sikandin ulini te Wag̵as he Mulin-ulin ne midlingahà diyà te langit ne neehè din is mekeg̵eg̵ehem he anlag te Megbevayà. Ne elin dutun neehè din si Jesus he ziyà edhithitindeg te zapit te egkekewanan te Megbevayà.