Lucas 12:1 - Manobo Western Bukidnon

¹ Ne sevaha he andew, utew mezakel he menge etew is edhahasekhasek he ed-uvey ziyà te ki Jesus. Ne zutun migkag̵i si Jesus, asal iyan egkeg̵iyan din is menge sumusundan din, ke sikandin te, “Andam kew wey niw melikayi is tapey te menge Perisiyu, he ke và dà egkeg̵iya, is tarù he kedtuu zan te Megbevayà.

Lucas 12:1 Кръстосани препратки

Lucas 11:44

Kehizu niw te menge Perisiyu su iring kew te menge leveng he kenà egketuusan ne egkeg̵iekan te etew, iyan, wazè dan metueni he meremerik haazà is neg̵iekan dan.”

Lucas 12:56

Tarù is ulaula niw! Su emun ed-ahaan niw is langit wey tanà egketuenan niw ke hengkey is egkehitavù te timpu, iyan, kenè niw uvag egkesavut ke hengkey is ed-ul-ulahan guntaan te Megbevayà pinaag̵i kedì.”

Lucas 5:1

Sevaha he andew te ziyà si Jesus te veyvey te ranew he egngezanan te Giniserit, utew mezakel he menge etew is nengetipun su ebpememineg dan te Lalag te Megbevayà he ibpenurù din.

Lucas 5:15

Iyan, minsan pa zutun, nekeeneb diyà te meziyù is bentug̵an ni Jesus ne tenged dutun utew mezakel he menge etew is ebpemenhendutun te kandin wey zan mezineg is kebpenurù din ne wey zaan meulii sikandan te menge zaru zan.

Lucas 6:17

Ne hein neipus ni Jesus is kebpilia zin kandan midtupang sikandin duma haazà is nengepilì din. Midteren dan dutun te patag ne nengevurun dutun is mezakel he menge sumusundan din wey is medmezakel he menge etew he ebpemuun diyà te menge inged he sakup te Hudiya wey ziyà te inged he Hiruselim. Ne zuen daan menge etew he ziyà ebpemuun te menge inged he Tiru wey Sidun he ziyà te veyvey te zag̵at. Iyan tuyù dutun te menge etew is ebpemineg dan te kebpenurù ni Jesus wey ebpemevawì daan sikandan kandin te menge zaru zan.

Nengeulaula 21:20

Ne hein nezineg dan haazà is tudtul ni Pablo, nemekezalig dan te Megbevayà. Ne migkeg̵iyan dan si Pablo te, “Netuenan nu, Suled, he utew zaan mezakel is menge zuma tew he Hudiyu he nemeketuu en ki Jesus, ne mibpurungan dan tumana is imbilinbilin kenitew he kesug̵uan.

1 Kurintu 15:3

Ne lavew kayi te langun he impesavut ku keniyu, haazà is impenurù daan kediey. Ne iyan is: si Kristu, mibpehimatey su wey kiw melibri te silut mehitenged te menge salè tew sumalà is impesavut dengan te insurat he Lalag te Megbevayà.

Hibriyuhanen 12:22

Iyan, sikitew mulà, kenà iring dutun is ked-uvey tew te Megbevayà su iring te ed-uvayan tew is buntud he Siyun he zutun is inged te Megbevayà he wazè din kemetayen. Iyan haazà kes inged he Hiruselim diyà te langit he zutun nengetig̵um is egkengelipey he edliblibuwen he menge velinsug̵uen te Megbevayà.

Santiago 3:17

Is etew he ziyà ebpuun te Megbevayà is ketau zin, wazà igkesewayi kandin. Melinew is kedepitè din te zuma he etew, ebpurungan din is menge zuma zin; kenà sikandin mevurut, kekenà, mepezumdumahan. Hihizuwen wey metulanged sikandin; wazè din ibpelavi he minsan hentei ne kenà uvag dà is kedtuu zin.

1 Pedro 2:1

Ne g̵eina te veg̵u ki en he etew, ed-iniyug̵an te en is minsan hengkey he kebpesipala wey is kedtarùtarù. Kinahanglan he kenà tarù is kedsundan ta te Megbevayà; kenè ki egkesina ne kenè ki ebpemenulà.