Lucas 11:40 - Manobo Western Bukidnon

⁴⁰ Menge wazè niw isip! Is Megbevayà he midlimbag din is gawas te lawa niw, midlimbag din daan is gehinawa wey isip niw. Ne kinahanglan he lumpiyu is gehinawa niw wey isip niw iring te g̵awas te lawa niw.

Lucas 11:40 Кръстосани препратки

Mateo 23:17

Menge lakap kew he tulebung! Su iyan bes lavew sikan is bulawan duen te Valey te Megbevayà! Kenà egkehimu! Su sikan is bulawan, iyan igketeg̵ui zin te g̵ehem te Megbevayà su g̵eina te nekeseled duen te Valey te Megbevayà.

Mateo 23:26

Iring kew te lakap is menge Perisiyu! Lumpiyuwi niw hunai is idseled niw zutun ne human egkelumpiyu is tasa niw wey pinggan niw.

Lucas 12:20

Iyan, dutun migkag̵i ziyà te kandin is Megbevayà te, ‘Utew ka tulebung he etew! Guntaan dà te mezukilem egkeumuran ke en ne ebpatey kad, ne hentei vuwa is ebpekeangken te langun he menge azen nu he intag̵ù nu keniyan te valey nu?’ ”

Lucas 24:25

Ne zutun migkag̵i si Jesus diyà te kandan te, “Kurang kew pe bes te ked-isip. Maan is utew mereg̵en diyan te keniyu is kebpeketuu niw te langun he netagnà dengan te menge ebpemeneuven te Megbevayà?

1 Kurintu 15:36

ne iyan tavak ku is: kenè bes metau he ed-isip-isip haazà is etew. Su emun ibpemula ta is benì diyà te tanà, ne kinahanglan he egkehalin is lawa zutun te venì. Su egkezeetan haazà is benì ne human edtuvù.

Hibriyuhanen 12:9

Su minsan is amey ta zini te kelibutan, emun ebmensuwen ki zin ne ebpekepevayàbayè ki g̵ihapun kandin, wey pe be kenà mehimu he ebpekepevayàbayè ki zaan te Amey ta ziyà te langit? Su pinaag̵i kayi egkeangken ta is untung he wazè din pidtemanan.