Lucas 11:26 - Manobo Western Bukidnon

²⁶ Ne zutun edlikù edhipanew su ebpengakat te pitu he zuma zin he menge mezaat he mulin-ulin he tuwas pa he memezaat kenà sikandin. Ne ed-ahuk dan ne ed-ubpè dan dutun te etew. Ne zutun ed-iseg pa ebmezaat is kebpekesavuk dutun te etew, kenà te nehuna he kebpekesavuk din.”

Lucas 11:26 Кръстосани препратки

Mateo 12:45

Ne zutun edlikù edhipanew su ebpengakat te pitu he zuma zin he menge mezaat he mulin-ulin he tuwas pa he memezaat kenà sikandin. Ne ed-ahuk dan ne ed-ubpè dan dutun te etew. Ne zutun ed-iseg pa ebmezaat is kebpekesavuk dutun te etew kenà te nehuna he kebpekesavuk din. Iring dutun is egkeulaula te menge etew g̵untaan su ed-iseg ebmezaat is kebpekesavuk dan.”

Mateo 23:15

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Edlayun kew te zag̵at ne edhipenawen niw is meluag he tanà wey niw mekabig is etew; ne is egkekabig niw, edhimuen niw he tuwas pa he zait sikandin he edsilutan diyà te Impirnu, kenà sikiyu.

Lucas 11:25

Ne edlikù ne egkeehè din haazà is neubpaan din he midtines en is menge vutang dutun, ne nepurung melumpiyuwi.

Lucas 11:27

Ne zutun hein neipus ni Jesus haazà is migkag̵i zin ne zuen dutun bahi he midhabet megkag̵i te, “Dekelà is kelipey te vahi he mid-anak kenikew wey nekepesusu kenikew!”

Juan 5:14

Ne netegteg̵aad dutun naahà sikandin ni Jesus diyà te simbahan he egngezanan te Valey te Megbevayà, ne migkeg̵iyan ni Jesus te, “Meupiya su neulian ke en; iniyug̵i nu en is menge mezaat he ulaula nu su wey kenè nu meeg̵iyi is tuwas pa he mezaat.”

1 Juan 5:16

Ke zuen minsan hentei he neehè din he nekesalà is duma zin, iyan, is rimeg̵as dutun te salà, ne kenà kemetayen, ne kinahanglan he iampù din ne is Megbevayà, ibeg̵ey zin is untung he wazà pidtemanan dutun te nekesalà. Iyan egkeg̵iyen ku kayi is etew he nekesalà he kenà kemetayen is rimeg̵as dutun te salè din. Duen salà he iyan rimeg̵as dutun is kemetayen. Kenè ku iyan egkeg̵iyen he id-ampù tew is etew he nekesalà te iring dutun.