Lucas 11:24 - Manobo Western Bukidnon

²⁴ Ke ed-awà is mezaat he mulin-ulin he ebpuun diyà te etew he edlelungen din, diyà ebayà te memaza he tanà su ebpen-ahà te egkeubpaan din. Ne emun wazè din egkeahà, egkag̵i sikandin te, ‘Edlikù a nasì diyà te neubpaan ku.’

Lucas 11:24 Кръстосани препратки

Marcos 5:10

Ne haazà is mezaat he mulin-ulin, mibpenigudu medhangyù sikandin diyà te ki Jesus he kenè din segseg̵a sikandan diyà te meziyù he tanà.

Marcos 9:25

Ne naahà ni Jesus he ed-iseg ebmezakel is menge etew zutun, su zuen mezakel he ebpemelelag̵uy pehendutun, ne migkeg̵iyan din haazà is mezaat he mulin-ulin te, “Sikew is mezaat he mulin-ulin he igkevengel wey igkeemew te menge etew, awè ka keniyan te edlelungen nu he vatà. Ne kenè ke en medlikù diyà te kandin!”

Lucas 11:25

Ne edlikù ne egkeehè din haazà is neubpaan din he midtines en is menge vutang dutun, ne nepurung melumpiyuwi.

Ipisu 2:2

Dutun he timpu mid-ikul niw is mezaat he ibayà he iyan ed-ikulen te menge etew he kuntada te Megbevayà. Midtuman kew te menge sug̵ù ni Setanas. Iyan sikandin ebayàbayà te menge zuen din gehem diyà te hewhewanan. Iyan daan sikandin ebayàbayà te langun he kenà ebpemineg te menge sug̵ù te Megbevayà.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.