Lucas 10:22 - Manobo Western Bukidnon

²² Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Lucas 10:22 Кръстосани препратки

Mateo 11:25

Ne zutun mid-ampù si Jesus he egkag̵i te, “Amey ku he Nengazen te langit wey tanà, dekelà is kebpeselemati ku kenikew su is in-eles nu wey kenà mesavut te menge uluwanen wey uvag en memetau, impesavut nu en diyà te menge etew he wazè dan menge hanew.

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Juan 1:18

Wazè pa menusiyà he nekeahà te Megbevayà, iyan, sikan is Anak din he vudtung, impetuenan din kenitew is Amey zin he Megbevayà su iyan dan layun telezuma.

Juan 13:3

Ne si Jesus, netuenan din he insarig kandin te Amey zin is kebayàbayà te langun. Netuenan din daan he ziyà sikandin ebpuun te Megbevayà ne ziyà daan sikandin ed-ulì.

Juan 17:10

Ne is menge etew he g̵aked nu, kediey zaan, ne is langun he kediey, kenikew zaan. Ne pinaag̵i kandan egkeahà is bentug̵an ku.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 17:26

Impesavut ku kandan ke hentei ka ne ibpenigudu ku pa ibpesavut kandan heini su wey mehimu he ziyà a te kandan ne mahal ziyà te g̵ehinawa te uman sevaha kandan is minsan hentei kandan iring te mahal a zaan diyan te g̵ehinawa nu.”

Juan 17:5

Ne guntaan, Amà, iulì nu kediey ziyan te etuvangan nu sikan is daan he utew ku kegkelavew he iyan kes kegkelavew ku zengan hein diyan e pa te kenikew te wazè pa limbag̵a is kelibutan.

Juan 3:35

Utew mahal ziyà te g̵ehinawa te Amey tew he Megbevayà is Anak din, ne insarig din kandin is kebayàbayà te langun.

1 Kurintu 15:24

Ne zutun te egkeuma is ketepusan he andew he zutun id-awà ni Kristu is minsan hengkey he kuntada zin he edhadì wey ebayàbayà wey zuen din gehem. Ne zutun ibeg̵ey zin diyà te Amey zin he Megbevayà is keg̵ehem din te kedhadì.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

Ipisu 1:21

Ne zutun utew lavew si Kristu kenà is minsan hentei he hadì, wey egalen, wey minsan hentei he zuen din keg̵ehem wey kebayàbayà. Lavew pa is inggerar ki Kristu te minsan hengkey he g̵erar te minsan hentei g̵untaan wey te wazè din pidtemanan.

Hibriyuhanen 2:8

Ne migkag̵i nu zaan he kinahanglan he keuzemà edhimuwen nu he mekevayàbayà sikandin te minsan hengkey.” Iyan haazà insurat dengan. Ne g̵eina te migkag̵i zutun he edhimuwen te Megbevayà is menusiyà he ebayàbayà te minsan hengkey, egkesavut ta zutun he zuen timpu keuzemà he wazà minsan hengkey he linimbag he kenà egkeveyveyaan te menusiyà. Ne g̵untaan netuenan ta he kenè pa ebpekevayàbayà is menusiyà te iring dutun.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.

2 Juan 1:9

Ke zuen etew he ed-engkezan din is tutuu he tuluuwen he impenurù ni Kristu su iyan edhemenan din is tarù he tuluuwen he in-uman din dutun, wazà sikandin mebpekidsevaha te Megbevayà. Is minsan hentei mulà he edhemenan din is tutuu he tuluuwen, iyan sikandin mibpekidsevaha te Amey tew he Megbevayà wey is Anak din.