Lucas 1:74 - Manobo Western Bukidnon

⁷⁴ su impenaad din he sikitew is menge kevuwazan ni Abraham, edlibriyen kiw zin wey kiw kenà mezaag te menge kuntada tew ne zutun kenè kiw egkengehandek is ed-ulaula te egkesuatan din.

Lucas 1:74 Кръстосани препратки

Lucas 1:71

migkag̵i zin he edtevangan kiw zin wey kiw kenà mezaag te menge kuntada tew, ne wey kiw zaan kenà mahandek te langun he egkepauk kenitew.

Lucas 1:73

Utew mezesen is penaad din dengan diyà te kepuun tew he si Abraham

Lucas 1:75

Ne egkehimu he metinumanen wey metazeng is ked-ezapa tew kandin andew-andew te kemulu kiw pa zini te lumpad te kelibutan.”

Ruma 6:22

Iyan, guntaan, nevelukasan ki en te Megbevayà, ne nelibri ki en te kebpekeulaula ta te mezaat. Ne tenged kayi menge sulug̵uen ki en te Megbevayà, ne utew zekelà is pulus kayi kenita su ebpeketuman ki en te egkesuatan din, ne iyan rimeg̵as kayi te mid-ulaula te Megbevayà is kegkeveg̵ayi kenita te untung he wazà pidtemanan.

Ruma 8:15

Su is Wag̵as he Mulin-ulin he imbeg̵ey kenitew te Megbevayà, ne wazè kiw zin himuwa he menge uripen he utew egkengehandek te Megbevayà, kekenà, midhimu kiw zin he menge anak te Megbevayà. Ne pinaag̵i te g̵ehem te Wag̵as he Mulin-ulin egkehimu en he egkeamey tew is Megbevayà.

2 Timoteo 1:7

Su is Mulin-ulin he impeulin kenita te Megbevayà, kenè ta igketalew, kekenà, edlig-enan ki zin wey ebeg̵ayan ki zin te zesen su wey mehimu he ebmahalen ta is menge zuma ta wey edtengkaan ta is langun he ed-ul-ulahan ta.

Hibriyuhanen 2:15

ne wey pinaag̵i kayi metevangi kiw zin ne libriya kiw zin te kemetayen. Su zengan te wazè kiw pa libriya, kenà egkeawà dini te kenitew is kegkehandek te kemetayen ne iring te menge uripen kiw zutun te kegkehandek.

Hibriyuhanen 9:14

Ne emun egkehimu he egkelumpiyuwan haazà pinaag̵i zà te lengesa te menge vaka wey kambing, iyan pe be kenà utew pa lavew is egkelumpiyuwan pinaag̵i te lengesa ni Kristu. Su pinaag̵i te tavang te Wag̵as he Mulin-ulin he wazè din pidtemanan, impemuhat ni Kristu ziyà te Megbevayà is kandin he lawa; ne wazà igkesewayi kandin. Ne pinaag̵i te kebpelisi kenita te lengesa zin, in-awè din is menge salè ta wey is kebpekesarig ta te menge ulaula he wazè dan pulus. Ne tenged kayi ebpekeazap ki en te wazè din kemetayen he Megbevayà.

Impezayag 2:10

Kenè kew mahandek te meg̵aan niw en igkerasey. Si Setanas, meg̵aan din en ibpepirisu is duma keniyu su ebpenulayen kew zin. Ne seled te sepulù he andew ebpekeantus kew te kemereg̵enan. Mebmetinumanen kew te menge sug̵ù ku taman te kemetayen su ebeg̵ayan ku sikiyu te kuruna he iyan is untung he wazà pidtemanan.