Lucas 1:53 - Manobo Western Bukidnon

⁵³ Is menge etew he egkengeayuayu, iyan ebeg̵ayan din te meupiya, iyan, is menge sepian, ibpehipanew zin he wazè dan uwiten.

Lucas 1:53 Кръстосани препратки

Mateo 5:6

Utew zeyzey sikandan is iyan dekelà te g̵ehinawa zan is kedtumana zan te egkesuatan te Megbevayà su is Megbevayà edtavang kandan te kedtumana kayi.

Lucas 1:54

Is impenaad din dengan diyà te menge kepuun tew he si Abraham wey is menge kevuwazan din, wazè din lipati. Midtevangan kiw zin is menge sulug̵uen din he kevuwazan ni Israyil. Ne egkehizuwan kiw zin daan te wazà pidtemanan is menge nepilì din he etew he menge kevuwazan ni Abraham,” ke si Maria.

Lucas 6:21

Utew kew zeyzey is egkengevitil g̵untaan su ebpekehentayen kew keuzemà te Megbevayà! Utew kew zeyzey is egkengeseeng guntaan su egkengelipey kew keuzemà.

Lucas 6:24

Iyan, kehizu niw te menge sepian guntaan su emun egkehanew is menge ketig̵eyunan niw wazè en duma pa he igkelipey niw keuzemà.

Juan 6:35

Ne midtavak si Jesus te, “Iyan a egkeenen he ebpekeveg̵ey te untung he wazà pidtemanan. Sikan is edsundan kediey, kenè en egkevitil wey sikan is edtuu kediey, kenè en maan egkemezahan.

1 Kurintu 1:26

Kenè niw, menge suled, lipati ke hengkey kew zengan hein wazè kew pa ipetuu te Megbevayà. Su ziyan te keniyu te menge tumutuu, mezelag is etew he egkekag̵i te menge etew he utew metau; mezelag is lavew is pid-etawan din; mezelag daan is sepian.

1 Kurintu 4:8

Kunaan niw vuwa ke wazè en egkinehenglanen niw he tavang te Megbevayà. Henduen be te midtulus kew en ne is langun he menge tuvad te Megbevayà, ne nekuwa niw en. Kunaan niw vuwa ke edhadì kew en dutun te g̵inhedian te Megbevayà ne sikami is menge epustul, kenè key pa ebpekehadì. Meupiya iyan pezem ke tutuu he edhadì kew en su wey key zaan mekehadì duma keniyu.