Lucas 1:45 - Manobo Western Bukidnon

⁴⁵ Umba, Maria, edtuvazan ka te Megbevayà su midtuu ka he egketuman is impesavut kenikew te velinsug̵uen te Megbevayà!”

Lucas 1:45 Кръстосани препратки

Lucas 1:20

Ne egkeemew ka ne kenè ke en ebpekekag̵i taman te timpu he kenè pa heini egketuman su wazè nu tuuwi heini is migkag̵i ku kenikew he kenà duwazuwa he egketuman dutun te timpu he egkesuatan te Megbevayà,” ke sikandin.

Lucas 1:44

Umba netuenan ku heini su zutun te kegkezineg̵a ku zà kenikew, heini is dini te g̵etek ku, nekeleg̵uwat te kegkeg̵alew zin.

Lucas 1:48

Su siak is sulug̵uen din he utew minus is pid-etawan, wazè e zin ded melipati. Ne puun guntaan egkag̵i is tivuuk he menusiyà he iyan a vahi he utew lavew is tuvad kandin te Megbevayà.

Juan 11:40

Ne migkag̵i ziyà te kandin si Jesus te, “Migkag̵i ku en kenikew he ke edtuu ka, egkeehè nu is utew igkeventug̵a te Megbevayà.”

Juan 20:29

Ne migkag̵i kandin si Jesus te, “Midtuu ke ve tenged dà te naahà a kenikew? Utew zeyzey sikandan is minsan wazà kedì mekeahà, iyan, edtuuwan e zan.”