Lucas 1:41 - Manobo Western Bukidnon

⁴¹ Ne hein nezineg ni Elisabet haazà is kebpenelehuzan ni Maria ne midredsà medleg̵uwat haazà is batà diyà te g̵etek ni Elisabet. Ne zutun nepurung si Elisabet meulini te Wag̵as he Mulin-ulin.

Lucas 1:41 Кръстосани препратки

Lucas 1:15

su utew zekelà is pid-etawan din sumalà is ked-isipa kandin te Nengazen. Kenà sikandin ed-inum te vinu wey minsan hengkey he ebpekelangut. Ne puun dà dutun te kenè pa sikandin id-anak egkepurung sikandin egkeulini te Wag̵as he Mulin-ulin.

Lucas 1:40

Ne zutun te kebpekeuma zin diyà te engki Zacarias wey Elisabet, mibpenelehuzan sikandin.

Lucas 1:42

Ne si Elisabet, tenged te utew nelipey, mibpekezag̵ing is egkag̵i te, “Wazà ebpekerepeng kenikew he vahi su utew ka mahal ziyà te g̵ehinawa te Megbevayà. Ne mahal zaan diyà te g̵ehinawa zin heeyan is id-anak nu.

Lucas 1:44

Umba netuenan ku heini su zutun te kegkezineg̵a ku zà kenikew, heini is dini te g̵etek ku, nekeleg̵uwat te kegkeg̵alew zin.

Lucas 1:67

Ne zutun nepurung meulini is amey zin he si Zacarias te Wag̵as he Mulin-ulin ne migkag̵i zin haazà is impinted kandin ne ke sikandin te,

Lucas 4:1

Ne hein nebewtismuwan en si Jesus, mid-awà sikandin dutun te wahig he Hurdan. Nepurung sikandin meulini te Wag̵as he Mulin-ulin ne mid-uwit sikandin te Wag̵as he Mulin-ulin pehendiyà te tanà he wazà duen ed-ubpà he etew.

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

Nengeulaula 4:8

Ne zutun midtavak si Pedro is nepurung ulini te Wag̵as he Mulin-ulin, ke sikandin te, “Sikiyu is menge punuan wey ebmeg̵urangen dey,

Nengeulaula 6:3

Umba, menge suled,” ke sikandan, “meupiya ke ebpilì kew te pitu he menge zuma niw he telehuzen. Kinahanglan he iyan ebpilien is menge maama he memetau he netuenan niw he nepurung sikandan ulini te Wag̵as he Mulin-ulin. Ne ibeg̵ey zey ziyà te kandan is keg̵ehem te kebahinbahin.

Nengeulaula 7:55

Ne si Esteban, nepurung sikandin ulini te Wag̵as he Mulin-ulin ne midlingahà diyà te langit ne neehè din is mekeg̵eg̵ehem he anlag te Megbevayà. Ne elin dutun neehè din si Jesus he ziyà edhithitindeg te zapit te egkekewanan te Megbevayà.

Nengeulaula 9:17

Ne zutun migenat si Eneniyas ne midhendutun te valey ne hein nekeseled midepenetan din si Seulu te egkag̵i te, “Sikew Seulu, is suled ku, midsug̵ù a zini te Nengazen he si Jesus he mibpaahà kenikew ziyà te imbayè nu. Impehendini e zin su wey mepuwasi en is ked-ehè nu, wey ka meulini te Wag̵as he Mulin-ulin.”

Ipisu 5:18

Kenè kew mebpelelangut te vinu su ebpekezezaat heini keniyu, kekenà, kinahanglan he egkepurung kew egkeulini te Wag̵as he Mulin-ulin.

Impezayag 1:10

Ne zutun te sevaha he andew he Duminggu, utew mezesen is ked-uwita kedì te Wag̵as he Mulin-ulin ne zuen impeehè din kedì. Diyà te egkeiniyug̵an ku nezineg ku is egkag̵i he iring te vudyung su utew mezag̵ing,