Lucas 1:30 - Manobo Western Bukidnon

³⁰ Ne migkag̵i haazà is belinsug̵uen te, “Kenè ka, Maria, mahandek su utew zekelà is gag̵ew te Megbevayà kenikew.

Lucas 1:30 Кръстосани препратки

Mateo 14:27

Ne zutun migkag̵i si Jesus diyà te kandan, “Sarig kew,” ke sikandin, “kenè kew mahandek su iyan a.”

Mateo 28:5

Ne sikan is menge vahi, migkeg̵iyan sikandan dutun te velinsug̵uen te, “Kenè kew mahandek. Netuenan ku he ebpen-ahaan niw si Jesus, sikan is inransang te krus.

Lucas 1:13

Ne zutun migkag̵i kandin haazà is belinsug̵uen te, “Kenè ka mahandek, Zacarias, su nezineg te Megbevayà is ked-ampù nu ne edhimuwen din he meg̵ingey nu is esawa nu he si Elisabet ne ed-anak si Elisabet te maama ne iyan nu ingazan kandin si Juan.

Lucas 12:32

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Nengeulaula 27:24

ne ke sikandin te, ‘He Pablo, kenè ka mahandek. Kinahanglan he ziyè ka mekeetuvang te lavew he hadì diyà te Ruma. Ne is Megbevayà, tenged te g̵ag̵ew zin kenikew, intug̵ut din daan he wazà minsan sevaha kayi te menge zuma niw he egkepatey.’

Ruma 8:31

Ne emun ed-isipen ta is langun kayi, egketuenan ta he tutuu iyan he iyan duma ta is Megbevayà ne wazà minsan hentei he ebpekekaid kenita.

Hibriyuhanen 13:6

Umba, menge suled, dekelà is kedsarig ta te Megbevayà ne ebpekekag̵i ki te, “Iyan edtavang kedì is Megbevayà, umba kenà a egkehandek te minsan hengkey he ed-ul-ulahan te etew zà duen dini te kediey.”