Lucas 1:26 - Manobo Western Bukidnon

²⁶ Ne zutun hein menge heenem en he vulan is keg̵ingayan te esawa ni Zacarias, midsug̵ù en maan te Megbevayà is belinsug̵uen din he si Gabriel pehendiyà te inged he egngezanan te Neserit he ziyà te prubinsya he Geliliya.

Lucas 1:26 Кръстосани препратки

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Lucas 1:19

Ne midtavak haazà is belinsug̵uen te Megbevayà te, “Iyan a si Gabriel, sikan is sulug̵uen te Megbevayà he layun diyà te etuvangan din. Midsug̵ù e zin dini te kenikew wey ku ikepesavut heini is tudtul te utew meupiya he egkeulaula.

Lucas 2:39

Ne hein nepasad ni Jose wey ni Maria haazà is kedtumana zan te langun he insug̵ù diyà te kesug̵uan he imbeg̵ey te Nengazen, mid-ulì dan diyà te ed-ubpaan dan diyà te inged he Neserit diyà te prubinsya he Geliliya.

Lucas 2:4

Umba, si Jose is dutun ed-ubpà te inged he Neserit he ziyà te prubinsya he Geliliya, kinahanglan he edhendiyà te prubinsya he Hudiya, diyà te inged he Bitlihim he iyan inged he mid-enakan ki Hadì David dengan; su si Jose, kevuwazan sikandin ni Hadì David.

Juan 7:41

Ne migkag̵i is duma pa kandan dutun te, “Iyan en iyan heini sikandin sikan is hadì he mibpilì te Megbevayà.” Iyan, migkag̵i is duma pa te, “Kenà, su kenà egkehimu he ziyà ebpuun is hadì te prubinsya he Geliliya!