Lucas 1:22 - Manobo Western Bukidnon

²² Ne hein midlawang en sikandin dutun, ne kenè en ebpekekag̵i ziyà te kandan. Ne netuenan dan dutun he zuen impaahà kandin te Megbevayà dutun te seled te simbahan su kenè en ebpekekag̵i ne ebpenguyew-uyew zà sikandin diyà te menge etew. Ne puun dà dutun ne emew sikandin.

Lucas 1:22 Кръстосани препратки

Lucas 1:21

Ne is menge etew he edtag̵adtag̵ad diyà te g̵awas dutun te simbahan he Valey te Megbevayà, nengeinuinu zan su maan is utew neug̵et si Zacarias dutun te seled.

Lucas 1:23

Ne hein neuma is timpu he zutun egkeilisan si Zacarias te menge vaal zin dutun te simbahan, mid-ulì sikandin diyà te inged din.

Lucas 1:62

Ne mid-uyawan dan is amey zutun te vatà su id-insè dan ke hentei is igngazan din dutun te anak din.

Juan 13:24

Ne haazà he sumusundan, mid-uyawan ni Simon he iyan kes migeraran ki Pedro. Ke si Pedro te, “Insai nu sikandin ke hentei is egkeg̵iyen din.”

Nengeulaula 12:17

Ne in-uyew zin kandan he kenè dan megurub ne mibpenudtul zin kandan is paag̵i te Nengazen te kedlibriya kandin puun diyà te pirisuwan. Ne migkeg̵iyan din sikandan te, “Tudtuli niw zaan si Santiago wey is menge zuma he suled tew.” Ne mid-awà sikandin dutun, ne midhendiyà te sengeinged.

Nengeulaula 19:33

Kunaan te zuma ke iyan si Alejandro nekesalà su maan is impeetuvang sikandin te menge Hudiyu. Ne si Alejandro, imbayew zin is belad din he tuus te zuen egkeg̵iyen din he ketezengan dutun te menge etew.

Nengeulaula 21:40

Ne midtug̵utan din, ne si Pablo, midhitindeg dutun te heg̵ezan, ne imbayew zin is belad din he tuus te zuen egkeg̵iyen din dutun te menge etew, ne hein mid-engked is keg̵urub dan, migkag̵i si Pablo te kineg̵iyan he Hibriyuhanen.