Lucas 1:2 - Manobo Western Bukidnon

² Insurat dan is neg̵ug̵ud kenami te menge etew he iyan nekeahà kayi te menge vaal wey iyan midsangyew te Lalag te Megbevayà.

Lucas 1:2 Кръстосани препратки

Marcos 1:1

Si Esaias, is tipehuna he ebpeneuven dengan te Megbevayà, insurat din is Lalag te Megbevayà duen te Anak din, ne iyan haazà puunà te Meupiya he Tudtulanen te keag̵i ni Jesu Kristu he Anak te Megbevayà. Migkag̵i is Megbevayà te, “Duen keuzemà ibpehuna ku kenikew he etew he ibpepenudtul ku he meg̵aan ka ebpekeuma.

Marcos 16:20

Ne zutun nemenhipanew is menge sumusundan te Nengazen he si Jesus ne impesavut dan is Meupiya he Tudtulanen diyà te minsan hendei. Ne is gehem te Megbevayà, mid-ug̵up kandan su nemekehimu zan te menge egkengein-inuwan su wey memeketuu is menge etew zutun te ibpesavut dan.

Marcos 4:14

Duen te sempitè ku, is kehulug̵an te kebpemula te etew, ne iyan is kedsengyawa te Lalag te Megbevayà.

Lucas 24:48

Ne kinahanglan he iyan kew mebpesavut kayi te langun he impesurat he Lalag te Megbevayà he netuman kayi te kedì su nengeehè niw en.

Juan 15:27

Ne ebpekepesavut kew zaan kayi su puun pa te aney ku en kebpenurù, duma ku en sikiyu.”

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

Nengeulaula 1:8

Iyan,” ke si Jesus, “ebeg̵ayan kew zin te g̵ehem emun egkelumunan kew en te Wag̵as he Mulin-ulin, ne is tudtul te keag̵i ku, idsangyew niw zini te Hiruselim wey id-eneb niw zini te prubinsya he Hudiya wey ziyà daan te prubinsya he Semarya wey minsan hendei zini te egketemanan te kelibutan.”

Nengeulaula 14:25

Ne impesavut dan is Lalag te Megbevayà diyà te inged he Pirga ne zutun midtupang dan pehendiyà te Etalya. Ne zutun mid-untud dan te barku

Nengeulaula 16:6

Ne ziyè dan mekevayà te menge inged he ziyà te Perigya wey Gelasya su wazà sikandan tug̵uti te Wag̵as he Mulin-ulin he ibpesavut dan is Lalag te Megbevayà diyà te prubinsya he Asya.

Nengeulaula 17:11

Ne zeyzey is menge Hudiyu zutun te Biriya kenà te menge Hudiyu ziyà te Tiselunika su memetulanged dan mulà. Ne utew zan egkesuat he ebpemineg te impesavut kandan. Ne kada andew edsusiyen dan is insurat he Lalag te Megbevayà su ed-ahaan dan ke tutuu ve iyan haazà is ibpenurù eni Pablo.

Nengeulaula 26:16

Enew ka. Mibpaahà a kenikew wey ku sikew mehimu he sulug̵uen ku. Tudtula nu ziyà te zuma he menge etew is kebpeehè ku kenikew g̵untaan wey tudtula nu zaan is ibpeehè ku zaan kenikew keuzemà.

Nengeulaula 4:20

Kenà egehimu he kenè dey idsangyew is nezineg dey wey is neehè dey,” ke si Pedro.

Nengeulaula 8:4

Ne sikan is nemekedsusuwey he menge tumutuu he nemelag̵uy, impesavut dan diyà te menge inged is Lalag te Megbevayà.

Ruma 15:16

wey a mehimu he sug̵ù ni Jesu Kristu ziyan te keniyu te menge etew he kenà menge Hudiyu. Henduen te memumuhat a su ke pinaag̵i kedì ebpeketuu is menge etew; egkehimu zan he iring te pemuhat ku he pinaag̵i te kedlumpiyuwi kandan te Wag̵as he Mulin-ulin edewaten te Megbevayà.

1 Kurintu 4:1

Ne sikami is ebpenurù, kinahanglan he isipa key keniyu he menge sulug̵uen dà ni Kristu. Insarig te Megbevayà kenami is kedseysaya te langun he menge in-eles din dengan he tuluuwen.

Hibriyuhanen 2:3

Ne iring din ded daan, sikitew is menusiyà, kenè kiw zaan ebpekelikey te silut te Megbevayà emun ebey-anan tew, ne kenè tew edtumanen is impenurù kenitew mehitenged te mekeg̵eg̵ehem he kedlibriya zin kenitew te silut. Is nehuna he nekepenudtul kayi, ne iyan en is Nengazen tew he si Jesus. Ne is menge etew he nemekezineg kandin, edtistig̵usan dan dini te kenitew he tutuu heini.

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

2 Pedro 1:16

Sikan is impenurù dey keniyu mehitenged te egkeulaula keuzemà ke edlikù is Nengazen tew he si Jesu Kristu he utew zekelà is gehem din, ne kenà heini tetezemen dà he midhimu te etew zà duen. Netuenan dey su nemesahan dey en is mekeg̵eg̵ehem he anlag din.