Lucas 1:19 - Manobo Western Bukidnon

¹⁹ Ne midtavak haazà is belinsug̵uen te Megbevayà te, “Iyan a si Gabriel, sikan is sulug̵uen te Megbevayà he layun diyà te etuvangan din. Midsug̵ù e zin dini te kenikew wey ku ikepesavut heini is tudtul te utew meupiya he egkeulaula.

Lucas 1:19 Кръстосани препратки

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Lucas 1:20

Ne egkeemew ka ne kenè ke en ebpekekag̵i taman te timpu he kenè pa heini egketuman su wazè nu tuuwi heini is migkag̵i ku kenikew he kenà duwazuwa he egketuman dutun te timpu he egkesuatan te Megbevayà,” ke sikandin.

Lucas 1:26

Ne zutun hein menge heenem en he vulan is keg̵ingayan te esawa ni Zacarias, midsug̵ù en maan te Megbevayà is belinsug̵uen din he si Gabriel pehendiyà te inged he egngezanan te Neserit he ziyà te prubinsya he Geliliya.

Lucas 2:10

Ne migkag̵i haazà is belinsug̵uen te Megbevayà te, “Kenè kew mahandek su midsug̵ù a zini wey ku sikiyu mepenudtuli te utew meupiya he tudtul he iyan utew igkelipey te tivuuk he menusiyà.

Lucas 21:36

Umba, mebpekevantey kew, ne layun kew ampù, su pinaag̵i zà te ked-ampù ne edlig-enan kew te Megbevayà ne kenè kew egkekeizan kayi te langun he egkengeseg̵azan niw, ne human kenè kew zutun egkeeled ke ebpekeetuvang kew kedì,” ke si Jesus.

Hibriyuhanen 4:14

Ne tenged kayi, menge suled, edhemenan tew is kedtuu he impenurù kenitew. Su zuen utew lavew he memumuhat he iyan datù tew he nekid-etuvang en te Megbevayà. Iyan heini si Jesus he Anak te Megbevayà.