Lucas 1:13 - Manobo Western Bukidnon

¹³ Ne zutun migkag̵i kandin haazà is belinsug̵uen te, “Kenè ka mahandek, Zacarias, su nezineg te Megbevayà is ked-ampù nu ne edhimuwen din he meg̵ingey nu is esawa nu he si Elisabet ne ed-anak si Elisabet te maama ne iyan nu ingazan kandin si Juan.

Lucas 1:13 Кръстосани препратки

Mateo 1:21

Maama is id-anak din ne ngezani nu ki Jesus, he ke và dà egkeg̵iya, Menluluwas, su iyan sikandin edlibri te menge etew he edsunud kandin wey kenè en sikandan siluti tenged te menge salè dan.”

Mateo 14:27

Ne zutun migkag̵i si Jesus diyà te kandan, “Sarig kew,” ke sikandin, “kenè kew mahandek su iyan a.”

Mateo 28:5

Ne sikan is menge vahi, migkeg̵iyan sikandan dutun te velinsug̵uen te, “Kenè kew mahandek. Netuenan ku he ebpen-ahaan niw si Jesus, sikan is inransang te krus.

Marcos 16:6

Ne migkag̵i haazà is etew te, “Kenè kew mahandek. Ebpen-ahaan niw si Jesus he tigNeserit, sikan is inransang te krus, iyan, wazè en dini su nevanhew en. Ahaa niw man kayi te midsevukan kandin.”

Lucas 1:14

Utew nu igkelipey heini ne utew egkengeg̵alew is mezakel he menge etew emun id-anak en heini is batà,

Lucas 1:30

Ne migkag̵i haazà is belinsug̵uen te, “Kenè ka, Maria, mahandek su utew zekelà is gag̵ew te Megbevayà kenikew.

Lucas 2:21

Ne is menge g̵inikanan dutun te vatà, hein nekewalu en is ked-enaka kandin ne midsirkunsidar zan sikandin sumalà is betasan dan. Ne migngezanan dan sikandin ki Jesus he iyan sikan is inngazan kandin duen te velinsug̵uen te wazè pa sikandin ikeg̵ingey.

Nengeulaula 10:31

Ke sikandin te, ‘Cornelio, midineg en te Megbevayà is ked-ampù nu, ne wazè din daan melipati is tavang nu te menge etew.