Kulusas 3:2 - Manobo Western Bukidnon

² Ed-isipen ta layun heini ne kenè te en ed-isipen is menge mezaat he ulaula zini te tanà.

Kulusas 3:2 Кръстосани препратки

Mateo 16:23

Ne midsinaru si Jesus diyà te ki Pedro is egkag̵i te, “Sikew is ed-iring ki Setanas, awè ka zini te kediey. Egkesanggen a kenikew su wazà diyà te isip nu is egkesuatan te Megbevayà, kekenà, iyan diyà te isip nu is egkesuatan te etew!”

Mateo 6:19

Kenè niw tipig̵i is ketig̵eyunan dini te kelibutan su zini egkeketket te ipes wey edtengisen. Ne egketakew su egkeselezan is baley niw te tekawen.

Lucas 12:15

Ne migkag̵i si Jesus diyà te menge etew te, “Purungi niw ventayi is ulaula niw su wey wazà keleleg̵ed diyan te keniyu. Su is ibmeupiya te untung te etew, kenà ebpuun te mezakel he menge azen.”

Lucas 16:11

Emun kenè ka egkeserig̵an he ibpeg̵awed te menge ketig̵eyunan he kayi te kelibutan, ne kenè ke en iyan ibpeg̵awed te Megbevayà te menge tutuu he ketig̵eyunan diyà te langit.

Kulusas 3:1

Ne, menge suled, nevanhew si Kristu ne iring te nevanhew kiw zaan duma kandin su zuen tew en untung he wazè din pidtemanan. Ne tenged kayi, kinahanglan he ebpurungan ta layun ed-isipa is ibpeisip-isip kenita te Megbevayà diyà te langit he zutun edhadì si Kristu he ebpinuu ziyà te zapit te egkekewanan te Megbevayà.

Kulusas 3:5

Umba, menge suled, kenè niw en itug̵ut he tumana niw is mezaat he kebayè niw; kenè niw ul-ulaha is mahawag wey meremerik he ulaula ne kenè niw mehimuwa he zuen suat niw te kenè niw esawa; engkezi niw is mezaat he ulaula wey is keleleg̵ed su emun leg̵ezen ki te menge azen, henduen be te egkeilisan dini te g̵ehinawa ta is tutuu he Megbevayà te menge azen.