Kulusas 3:18 - Manobo Western Bukidnon

¹⁸ Sikiyu is menge vahi, pevayàbayà kew te esawa niw su iyan heini hustu he ulaula te vahi he tumutuu te Nengazen.

Kulusas 3:18 Кръстосани препратки

Nengeulaula 5:29

Ne zutun midtavak si Pedro wey is duma he menge epustul te, “Kinahanglan he edtumanen dey is sug̵ù te Megbevayà kenà is menge sug̵ù he mibeelan te etew.

1 Kurintu 11:3

Ne zuen ku pa ibpesavut keniyu. Iyan is: iyan ebayàbayà te maama si Kristu. Ne is maama, ebeyveyaan din is esawa zin ne iyan ebayàbayà ki Kristu is Megbevayà.

1 Kurintu 14:34

Ne zuen pa idtelaan ku keniyu he iyan daan ed-ul-ulahan te menge tumutuu ziyà te minsan hendei he inged. Iyan is: kenè niw itug̵ut he zuen bahi he ebpenurù ke edtig̵um kew te kedsimba. Mebpeninimè dan dà. Su impenurù daan te kesug̵uan te menge Hudiyu he kenà mebayàbayà is menge vahi.

Ipisu 5:22

Sikiyu is menge vahi, pesakup kew te menge esawa niw iring te nesakup kew en te Nengazen.

Ipisu 5:3

Ne g̵eina te menge sakup kew te Megbevayà kinahanglan he kenè niw ul-ulaha is keleleg̵ed wey is minsan hengkey he ulaula he meremerik. Kenè niw hileveti is kenè niw esawa. Minsan is ked-isipa wey kegkeg̵iya kayi ne kenè niw ul-ulaha.

Ipisu 5:9

Su emun neteyawan te Megbevayà is isip niw, egkeulaula niw is langun he hustu wey metazeng he vaal he ibpenurù te tutuu he tuluuwen.

1 Timoteo 2:12

Kenè ku idtug̵ut he iyan ebpenurù is bahi. Kenè ku zaan idtug̵ut he ebayàbayà is bahi te maama. Mebpemineg dà sikandin,