Kulusas 2:20 - Manobo Western Bukidnon

^20-22 Na, menge suled, geina te iring te minatey ki en duma ki Kristu, wey kenè ki en maan egkeveyveyaan te menge kenà hustu he tuluuwen, kinahanglan he kenè kew en maan mebpemineg te menge sug̵ù te menge etew he menge kuntada te Megbevayà. Menge sug̵ù heini te menge etew zà duen. Egkag̵i zan he zuen menge egkeenen he kenà ibpekaan kenitew te Megbevayà, ne minsan is kegezami wey is kegewezi zà kayi ne wazè din kun itug̵ut kenitew. Kenè niw, menge suled, pemineg̵a is iring dutun su wazà pulus te idawey zan su emun egkeenen tew is egkeenen ne egkeawà heini.

Kulusas 2:20 Кръстосани препратки

Juan 15:19

Emun duma kew te menge kuntada te Megbevayà ebmahalen kew zan, iyan, geina te kenè kew zan duma ne egkuntedahan kew zan su mibpilì ku sikiyu wey kew mekesuwey ziyà te kandan.

2 Kurintu 10:3

Tutuu iyan he etew key zà duen, iyan, is paag̵i te kedsukuli zey te mezaat, ne kenà ebpuun te isip te etew zà duen.

Gelasya 4:3

Ne iring kiw zaan dutun su neveyveyaan kiw zengan te menge kenè pa hustu he tuluuwen dini te kelibutan su iring kiw pa te menge vatà is ebantey te langun dutun.

Gelasya 6:14

Siak mulà, iyan ku zà ibpezalig is Nengazen tew he si Jesu Kristu he mibpehimatey he elili kenitew. Ne tenged te kebpehimatey zin, wazè e en meuripen te menge kelibutanen he kebayà, ne wazè en kayi g̵ehem te kebayàbayà kediey.

Ipisu 2:15

Pinaag̵i te kebpehimatey zin, in-awè din is kebpetumana tew te kesug̵uan he imbilinbilin ni Moises ragkes is menge tulumanen su wey sikitew is dezuwa he kelasi te etew, mehimu zin he veg̵u en he kelasi te etew pinaag̵i te kebpekidsevaha tew kandin, ne tenged kayi naawè en is kegkekuntada tew.

Kulusas 2:14

Ne minsan pa te wazè kiw medtuman te insurat he kesug̵uan din, pinaag̵i te kebpatey ni Kristu ziyà te krus, in-awè din is kesug̵uan ne tenged kayi wazè en igkesiluti zin kenitew.

Kulusas 2:16

Umba, menge suled, kenè niw itetenged is edsudì keniyu emun kenè niw ebpezumdumahan is egkesuatan dan he ibpeulaula keniyu mehitenged te kegkaan wey ked-inum, wey mehitenged daan te kedsilibra te menge mahal he menge andew wey kedsilibra te intrada te hayag wey menge andew te kedhimeley.

Kulusas 2:8

Andam kew su kela ke zuen egkabig keniyu pinaag̵i te kebpenurù te tuluuwen he tarù ne wazè din pulus su imbilinbilin dà te menge etew. Kenà haazà hustu he tuluuwen su kenà ebpuun diyà te ki Kristu.

Kulusas 3:3

Umba egkeg̵iyen ku heini su sikita is tumutuu, minatey ki en duma ki Kristu ne is tutuu he untung ta pinaag̵i kandin, wazè pa heini ipezayag te Megbevayà.

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.

Santiago 4:4

Kenè kew metinumanen te pesarig niw ziyà te Megbevayà. Wazè niw ves metueni he emun iyan niw egkesuatan is mezaat he ed-ul-ulahan te menge kuntada te Megbevayà dini te kelibutan, ne menge kuntada kew zaan te Megbevayà. Is minsan hentei he iyan egkesuatan din is mezaat he ulaula zini te kelibutan, mibpekigkuntada sikandin te Megbevayà.

1 Juan 5:19

Netuenan tew he menge anak kiw te Megbevayà, iyan, is langun he menge kuntada te Megbevayà dini te kelibutan, ebeyveyaan sikandan ni Setanas.