Kulusas 1:28 - Manobo Western Bukidnon

²⁸ Sikami, idsangyew zey si Kristu; edleg̵uyan dey is minsan hentei, wey ebpenurù key kandan ebpurung sumalà is egkehimu zey he ketau su wey meketuu is langun ki Kristu, ne wey sikandan keuzemà ikepeetuvang diyà te Megbevayà he wazà kurang te kedtuu zan.

Kulusas 1:28 Кръстосани препратки

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Mateo 3:7

Ne naahà ni Juan is mezakel he etew he menge Perisiyu wey menge Sedusiyu he edhendiyà te kandin su ebpebewtismu. Ne migkeg̵iyan din sikandan te, “Iring te ulaula te uled is ulaula niw su teruen kew. Maan is edhendini kew? Kunaan niw vuwa ke ebpekeg̵awas kew te silut te Megbevayà.

Mateo 5:48

Kinahanglan he meheg̵et is kebpurungi niw te minsan hentei. Su kes Amey tew ziyà te langit, utew meheg̵et is kebpurungi zin te menusiyà.”

Marcos 6:34

Ne hein migaun si Jesus puun dutun te avang ne neehè din he nengeamur-amur zutun is utew mezakel he menge etew. Ne nehizuwan din sikandan su henduen be sikandan te menge ayam he kerehidu he wazà ed-elima kandan. Utew zan mekehizuhizu. Umba, mezakel is impenurù din kandan dutun.

Lucas 21:15

Su iyan e en metau te idtavak niw te menge insè dan. Ne ibeg̵ey ku zutun keniyu is ketau te ked-isip-isip wey kew meketavak. Ne zutun haazà is menge kuntada niw, kenè dan ebpeketavak te ketezengan niw ne kenè dan daan ebpekepeg̵intarù te tutuu he egkeg̵iyen niw.

Nengeulaula 10:36

Netuenan niw en is Meupiya he Tudtulanen he impesavut te Megbevayà kenami te menge kevuwazan ni Israyil su pinaag̵i ki Jesu Kristu he iyan Nengazen te langun he menge etew, impesavut din he egkeawà is pauk te Megbevayà kenitew.

Nengeulaula 11:20

Ne tigSipru wey tigSirini is duma zutun te nemelag̵uy. Ne hein nekeuma zan diyà te Entiyukya, mibpenudtulan dan daan is menge kenà Hudiyu; ne impesavut dan is keag̵i te Nengazen tew he si Jesus.

Nengeulaula 13:38

Kinahanglan, menge suled, he sevuta niw he tenged ki Jesus, ibpesavut dey en keniyu he ebpeseyluwen kiw te Megbevayà te memezaat he ulaula.

Nengeulaula 17:18

Ne zuen dutun menge menunudlù te menge penurù dengan ni Ipikuranu wey ni Sinu. Mibpekidibati zan daan ki Pablo. Ne is duma zutun egkag̵i te, “Paglung heini he mepedelig̵en. Hengkey vuwa pezem is egkeg̵iyen din?” Ne is duma egkag̵i te, “Iyan buwa ibpesavut din is menge selakew pa he menge ziwata he edsimbahan diyà te meziyù he inged.” Umba egkekag̵i zan haazà su impesavut kandan ni Pablo is keag̵i ni Jesus wey is kegkevanhew zin.

Nengeulaula 20:31

Ne tenged kayi mebpekevantey kew; kenè niw lipati he seled te tetelu he tuig, andew se mezukilem, mid-em-eminan ku sikiyu te penurù. Mibpenig̵is is menge luhè ku tenged te hizu ku keniyu.

Nengeulaula 3:20

Ne edsug̵uen din dini te kenitew si Jesus he iyan kes mibpilì din he ibpahadì kenitew.

Nengeulaula 5:42

Ne te kada andew ziyè dan gihapun te simbahan wey ziyà te menge valey is ebpenurù te Meupiya he Tudtulanen te keag̵i ni Jesus, sikan is mibpilì te Megbevayà he ibpahadì.

Nengeulaula 8:35

Ne zutun midseysayan sikandin ni Felipe. Midhunaan din haazà is ebesahan te upisyal ne impesavut din kandin is Meupiya he Tudtulanen te keag̵i ni Jesus.

Nengeulaula 8:5

Ne si Felipe, is sevaha kayi, ne midhendiyà sikandin te inged dutun te prubinsya he Semarya ne inwali zin diyà te menge tigSemarya ke hentei sikan is mibpilì te Megbevayà he ibpahadì.

Nengeulaula 9:20

Ne zutun midseled te simbahan te menge Hudiyu ne impenurù din is keag̵i ni Jesus. Ne ke sikandin te, “Si Jesus, Anak te Megbevayà.”

Ruma 16:25

Edelig̵en tew is Megbevayà! Pinaag̵i te Meupiya he Tudtulanen he ibpenudtul ku he iyan is mehitenged ki Jesu Kristu, wey pinaag̵i te tuluuwen he neug̵et he timpu is ked-elesa zuen te Megbevayà, egkehimu he edheg̵eten din is kedtuu niw.

1 Kurintu 1:23

Ne sikitew mulà, ibpenurù tew is mehitenged ki Kristu he inransang te krus. Is menge Hudiyu, igkeepes dan utew heini ne is menge Gerisyahanen ne kunaan dan ke tarù ne wazè din pulus.

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

1 Kurintu 12:8

Ne ziyà te zuma ibeg̵ey pinaag̵i te Wag̵as he Mulin-ulin is ketau te kedseysey te tutuu he tuluuwen; ne ziyà te zuma pa ibeg̵ey pinaag̵i te g̵ehem te Wag̵as he Mulin-ulin is ketau te kedseysey te memezalem he ibpepenurù te Megbevayà.

1 Kurintu 15:12

Ne iyan impenurù dey keniyu is: nevanhew si Kristu. Ne tenged kayi, maan is egkeg̵iyen te zuma keniyu he kenà egkengevanhew keuzemà is menge minatey?

1 Kurintu 2:15

Ne sikan is etew he ziyà te kandin is Wag̵as he Mulin-ulin, egkesavut din mulà is pulus te minsan hengkey he ibpenurù te Wag̵as he Mulin-ulin. Iyan, haazà is etew he wazà diyà te kandin is Wag̵as he Mulin-ulin, kenà sikandin ebpekesavut ke hengkey is diyà te isip te menge etew he mibeg̵ayan te Wag̵as he Mulin-ulin.

1 Kurintu 2:6

Ne haazà is menge etew he mezesen is kedtuu zan te Megbevayà, duen ketau he ibpesavut ku kandan, asal, is ketau he ibpenurù ku kandan ne kenà daan ebpuun te etew zà duen wey ziyà te menge pengulu he iyan ebayàbayà dini te kelibutan su egkeewaan en heini te menge g̵ehem dan.

1 Kurintu 4:14

Menge suled, kenà iyan igkeg̵iya ku kayi su wey kew meeled, kekenà, su wey ku sikiyu mepenurù su nehimu kew en he menge minahal he anak ku pinaag̵i te kedtuu niw ki Kristu.

2 Kurintu 10:14

Kenà egkehimu he subra is kegemita zey te keg̵ehem dey emun edsembag̵an dey sikiyu. Kenè dey sikiyu pezem egkeveyveyaan ke wazè dey sikiyu mepenudtuli zengan, iyan, iyan key nehuna he nekeuma ziyan he ebpenudtul te Meupiya he Tudtulanen mehitenged ki Kristu.

2 Kurintu 11:2

Su insavuk te Megbevayà kayi te kediey is dekelà he suat he kenè kew medsuwey te Nengazen. Iring kew te rag̵a he nekeg̵unan, iyan, iyan si Kristu ingkag̵un ku keniyu. Ne egkesuatan ku he wazà duma he ebpekeesawa keniyu.

2 Kurintu 4:5

Kenà iyan dey ibpenurù su wey key mevantug te menge etew, kekenà, iyan dey ibpenurù su wey mevantug si Jesu Kristu he iyan Nengazen te langun. Sikami, edtevangan dey en sikiyu su wey zey metuman is sug̵ù ni Jesus.

Ipisu 3:8

Siak, lavew kediey is minsan hentei he menge tumutuu te Megbevayà. Ne minsan pa te iyan heini, midtuvazan a te Megbevayà pinaag̵i te kedsug̵ua zin kediey te kebpenudtul ziyan te keniyu te kenà menge Hudiyu te Meupiya he Tudtulanen mehitenged te utew lavew he zekelà he kenà egketegkad he meupiya he igketuvad kenitew ni Kristu.

Ipisu 5:27

Elin daan idhimuwa zin kayi su wey kiw zin mezawat he esawa zin. Ne wazè en igkesawey zin kayi te kenitew su nepurung kiw en melumpiyuwi ne utew kiw mekempet diyà te kandin.

Kulusas 1:22

Ne minsan pa te iyan haazà, midhimu kew g̵untaan te Megbevayà he menge emig̵u zin pinaag̵i te kebpatey ni Kristu. Umba mibpehimatey si Kristu su wey kew mehimu he menge etew he wazà mezaat he ulaula ne wazà igkesumbunga keniyu keuzemà emun ibpeetuvang kew zin diyà te Amey zin he Megbevayà.

Kulusas 2:10

Ne sikiyu zaan, pinaag̵i te kebpekidsevaha niw ki Kristu, nekepurung kew en mekeazen te untung he imbeg̵ey keniyu ni Kristu. Ne iyan si Kristu sikan is edhadì te minsan hentei he kedesenan he zuen din keg̵ehem wey kebayàbayà.

Kulusas 2:3

Su iyan dà sikandin ebpekeveg̵ey te minsan hengkey he tutuu he ketau wey tutuu he kedsavut.

Kulusas 3:16

Menge suled, layun niw zewata is impesavut ni Kristu. Pepempenuruey kew wey mebpesemsembag̵è kew sumalà is ketau te kada sevaha. Kanta kew te menge idalig te Megbevayà, wey menge Salmo, wey elin daan is menge kentahan he ibpinted keniyu te Wag̵as he Mulin-ulin. Kentahi niw is Megbevayà he utew zekelà is kebpeselemati niw kandin.

Kulusas 4:12

Ebpengemusta zaan keniyu si Ipapras. Duma niw zaan he tigKulusas he sulug̵uen ni Jesu Kristu. Layun kew zin id-ampù. Ed-ampù sikandin diyà te Megbevayà he mebmelig-en wey meheg̵et is kedtuu niw ne wey meheg̵et daan is kedtumana niw te egkesuatan te Megbevayà.

1 Tiselunika 4:6

Kinahanglan he wazà minsan hentei he ebpekesalà wey ed-akal te zuma zin pinaag̵i te menge ulaula he iring kayi. Su edsilutan te Megbevayà is ed-ulaula te iring dutun. Heini impurung dey ipenurù keniyu.

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

Hibriyuhanen 10:14

Ne tenged kayi te kesevaha zà he kebpemuhat din diyà te Megbevayà, sikitew is mibpelisan din te salà, midhimu kiw zin he metazeng te wazà pidtemanan.

Hibriyuhanen 13:21

Berakat he pinaag̵i ki Jesu Kristu, is Megbevayà he ebeg̵ey te kelinew, beg̵ayi kew zin te minsan hengkey he tavang wey niw tumana is egkesuatan din. Berakat daan he himuwa kiw zin he menge etew he utew zin egkesuati is menge ulaula. Edelig̵en tew si Jesu Kristu te wazà pidtemanan.

2 Pedro 3:15

Kenè niw lipati he iyan ibpelevaya te Megbevayà kenitew su wey melibri ki te silut din. Iyan daan heini impesavut keniyu te emig̵u tew he si Pablo zutun te surat he impeuwit din keniyu. Impinted heini kandin te Megbevayà.