Juan 9:31 - Manobo Western Bukidnon

³¹ Netuenan tew he is Megbevayà, kenè din edtevangan is mesinupaken he etew, iyan, ke zuen etew he ed-azap kandin wey edtuman te egkesuatan din, iyan edtevangan din.

Juan 9:31 Кръстосани препратки

Juan 11:22

Ne netuenan ku he minsan guntaan ke zuen ebuyuen nu ziyà te Megbevayà, ibeg̵ey zin kenikew.”

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Juan 7:17

Is etew he egkesuat he edtuman te ebpeveelan te Megbevayà, iyan egkesayud ke ziyè be ebpuun te Megbevayà is ibpenurù ku wey ke zini zè be ebpuun te isip ku.

Juan 9:30

Ne midtavak maan haazà is etew te, “Utew ku heini igkeinuinu! Duen gehem ni Jesus ne mibewian din is menge mata ku, ne minsan pa zutun wazè niw ves metueni ke hendei sikandin ebpuun!

Juan 9:32

Puun pa te kedlimbag̵a te kelibutan taman en guntaan sikan tew pa mezineg is etew he ebpekevawì wey meulii is mata te etew he zaan en he lakap puun pa te ked-enaka kandin.

Hibriyuhanen 10:7

Ne tenged kayi migkag̵i si Kristu ziyà te Megbevayà te, ‘Iyan impengetuvang ku kenikew su edtumanen ku en is egkesuatan nu sumalà is insurat he tagnà mehitenged kedì dutun te insurat he lalag nu,’ ” ke sikandin.