Juan 9:3 - Manobo Western Bukidnon

³ Ne midtavak si Jesus te, “Kenà tenged te salè din is kegkelakap din wey kenà daan tenged te salà te amey zin wey iney zin, kekenà, iyan ingkelakap din su wey ikepaahà pinaag̵i kandin is gehem te Megbevayà.

Juan 9:3 Кръстосани препратки

Juan 11:4

Ne hein nezineg haazà ni Jesus migkag̵i te, “Kenà ibpatey ni Lazaro is daru zin, kekenà, iyan ketezengan ke maan is egkezeruwan sikandin su wey mevantug is Megbevayà ne wey e zaan mevantug is Anak te Megbevayà.”

Juan 11:40

Ne migkag̵i ziyà te kandin si Jesus te, “Migkag̵i ku en kenikew he ke edtuu ka, egkeehè nu is utew igkeventug̵a te Megbevayà.”

Nengeulaula 28:4

Ne is menge etew he meg̵inged dutun hein neehè dan haazà is uled he mibpikit diyà te velad ni Pablo, mibpelelelag̵è dan he egkag̵i te, “Memumunù bes heini su maan is wazà sikandin mekelikey te silut kandin; su minsan te nelibri en sikandin, su wazà melened diyà te zag̵at, egkepatey g̵ihapun.”

Nengeulaula 4:21

Iyan, impaawè ded sikandan ne mibeleuzan dan he kenà ipesangyew. Ne haazà is menge ebmeg̵urangen, wazè dan neisip he paag̵i te kedsiluti kandan su nahandek dan te menge etew. Is langun he menge etew, midalig dan is Megbevayà tenged te egkein-inuwan he nehimu,

1 Juan 4:16

Ne tenged dutun nesavut tew en he utew zekelà is gagew kenitew te Megbevayà ne umba ebpekesarig kiw. Is minsan hengkey he ed-ul-ulahan te Megbevayà, ne iyan kebpaahaa zin te g̵agew zin. Is minsan hentei he layun dekelà is gagew zin te menge zuma zin, meheg̵et is kebpekidsevaha zin te Megbevayà, ne ziyà te kandin ed-ubpà is Megbevayà.

1 Juan 4:9

Impehendini te Megbevayà is sebsevaha zà he Anak din te kelibutan su wey pinaag̵i kandin mekeangken kiw te untung he wazà pidtemanan. Iyan haazà kebpaahaa zin te g̵ag̵ew zin kenitew.