Juan 9:14 - Manobo Western Bukidnon

¹⁴ Andew te Kedhimeley haazà is kebeeli ni Jesus dutun te vasak he imbawì din dutun te mata te lakap.

Juan 9:14 Кръстосани препратки

Marcos 2:23

Ne zutun te sevaha he andew he Sebadu ingkevayà eni Jesus is pemuleey. Iyan haazà andew he insug̵ù dengan te Megbevayà te menge Hudiyu he wazà etew he ibpevaal zutun he andew su iyan Andew te Kedhimeley. Ne mibpengetù is menge sumusundan ni Jesus te trigu zutun.

Lucas 14:1

Ne sevaha maan he Andew te Kedhimeley, ne mid-umbite en maan si Jesus te sevaha he pengulu te menge Perisiyu he ziyà ibpekaan te valey zin. Ne is menge kuntada ni Jesus, mibpurungan dan sikandin bentayi ke egkesupak din is kesug̵uan.

Juan 5:16

Umba puun dutun nepeukan si Jesus te menge punuan he menge Hudiyu su utew zan ingkeepes haazà is kebewii zin te egkezeruwan dutun te andew he Sebadu.

Juan 5:9

Ne zutundutun dà neulian haazà is etew; midlulun din haazà is ikam din ne midhiphipanew. Nehitavù haazà te andew he Sebadu he iyan Andew te Kedhimeley.

Juan 9:13

Ne zutun miduma zan diyà te menge Perisiyu haazà is neulian he lakap.

Juan 9:6

Ne te nekag̵i ni Jesus haazà, mid-ilevan din is tanà ne migkuwa zin sikan is basak he neveelan dutun te ileb din ne indazas din diyà te mata zutun te lakap.