Juan 8:9 - Manobo Western Bukidnon

⁹ Ne hein nezineg te menge Perisiyu haazà is migkag̵i zin, nemen-awè dan dutun he tigseselimbaha. Midhuna is utew meg̵urang ne henduen dà duen. Ne hein naamin dan en, netag̵ak haazà is bahi ziyà te etuvangan ni Jesus.

Juan 8:9 Кръстосани препратки

Lucas 13:17

Ne haazà is tavak ni Jesus, utew ingkeeled te menge kuntada zin. Ne is duma zutun he mezakel he menge etew, utew zan nengelipey te langun he menge egkengein-inuwan he mibeelan din.

Juan 8:10

Ne midlingahà ni Jesus haazà is bahi ne ke sikandin te, “Bayi, hendei en sikandan is midsumbung kenikew? Wazè bes ebpeketuleng kenikew te vatu?”

Juan 8:12

Ne mid-uman megkag̵i si Jesus diyà te menge etew, ke sikandin te, “Iyan a sikan is kerayag he ebpeketayew te isip te tivuuk he menusiyà. Ne is etew he edsundan kediey, kenà en sikandin egkesakup te g̵ehem te kerusireman, kekenà, egketeyawan is kedsavut din te kerayag he ebpekeveg̵ay te untung he wazà pidtemanan.”

Juan 8:2

Ne hein nepawà dutun, midhendiyè en maan si Jesus te simbahan he Valey te Megbevayà, ne hein midtig̵um diyà te kandin is langun he menge etew, mibpinuu zutun ne mibpenurù din sikandan.

Juan 8:3

Ne is menge Perisiyu wey menge menunudlù te kesug̵uan, mid-uwit dan diyà te kandin is bahi he nesekazan dan dutun te kedselselai zin te esawa zin. Ne impeetuvang dan ki Jesus dutun te teliwazà te menge etew haazà is bahi.

Juan 8:8

Ne hein nekag̵i ni Jesus haazà, midtikintikin en maan, ne midsurat en maan diyà te tanà.

Ruma 2:15

Pinaag̵i te menge ulaula zan he meupiya egketuusan ta he ibpenurù kandan te g̵ehinawa zan is insug̵ù te kesug̵uan. Netuenan dan diyà te isip dan ke hengkey is meupiya wey ke hengkey is mezaat he ed-ul-ulahan su zuen ke egkeg̵iyen dan he meupiya is ulaula zan ne zuen ke keg̵iya zan he mezaat.

Ruma 2:22

Ibpenurù niw he mezaat is kegkevuta ta te kenè ta esawa, iyan, egkevuten niw is kenè niw esawa! Utew niw igkeepes is ledawan he ed-ezapen te kenà Hudiyu, iyan, edseled kew zutun te valey he zutun ed-ezapa is menge ledawan wey kew mekepenakew.

1 Juan 3:20

minsan pa te iyan diyà te isip ta is: dait ki he edsilutan. Umba kenè ki egkeeled su iyan lavew he egkeserig̵an is hukum te Megbevayà, kenà is hukum te isip ta su netuenan din is minsan hengkey.