Juan 8:56 - Manobo Western Bukidnon

⁵⁶ Sikan is kepuun niw he si Abraham, utew sikandin nelipey zengan su netuenan din he ibpehendini a te kelibutan umba nelipey sikandin su ebpeebuten e zin.”

Juan 8:56 Кръстосани препратки

Mateo 13:17

Isipa niw heini he zengan mezakel is ebpeneuven wey menge tumutuu te Megbevayà he egkesuat pezem he meehè dan heini is egkeehè niw wey mezineg dan heini is egkezineg niw en, iyan, wazà itug̵ut kandan.”

Lucas 10:24

Su tutuu is egkeg̵iyen ku keniyu he kenà pira zà is menge ebpemeneuven te Megbevayà dengan wey menge hadì dengan he egkesuat pezem he mekeahà kayi te nengeehè niw g̵untaan, iyan, wazà ipaahà kandan. Ne egkesuatan dan daan he ebpemineg̵en heini is nengezineg niw g̵untaan, iyan, wazà ipepemineg kandan.”

Juan 10:25

Ne midtavak si Jesus te, “Migkag̵ì ku en keniyu ne wazè niw tuuwi. Is menge egkein-inuwan he midhimu ku he iyan insug̵ù te Amey ku he Megbevayà, iyan tuus ke hentei a.

Juan 8:37

Netuenan ku he menge kevuwazan kew ni Abraham; ne minsan pa zutun edhimetayan a pezem keniyu su kenà ed-ereg diyà te g̵ehinawa niw is ibpenurù ku keniyu.

Juan 8:39

Ne midtavak dan te, “Iyan kepuun dey si Abraham.” Ne migkag̵i si Jesus te, “Angin ke tutuu kew he kevuwazan ni Abraham su ebeelan niw is mibeelan dengan ni Abraham.

Hibriyuhanen 11:13

Ne heini sikandan he neketuu te Megbevayà, pudu zan minatey te wazè dan pa mezawat haazà is impenaad kandan te Megbevayà he egkeangken dan haazà is tanà. Ne minsan pa zutun te wazè dan pa mezawat haazà is impenaad te Megbevayà, wazè dan engkezi is kedtuu zan su netuenan dan he egkeug̵et pa zutun egkezawat dan is ebperetengen dan he impenaad te Megbevayà. Ne ingkepesavut dan he kenà sikandan hustu he meg̵inged dini te kelibutan su iyan hustu he inged dan is langit.

Hibriyuhanen 11:39

Ne utew igkelipey te Megbevayà is menge etew he iring kayi, iyan, minsan pa zutun wazè dan pa zutun mezawat is penaad kandan te Megbevayà.