Juan 8:3 - Manobo Western Bukidnon

³ Ne is menge Perisiyu wey menge menunudlù te kesug̵uan, mid-uwit dan diyà te kandin is bahi he nesekazan dan dutun te kedselselai zin te esawa zin. Ne impeetuvang dan ki Jesus dutun te teliwazà te menge etew haazà is bahi.

Juan 8:3 Кръстосани препратки

Mateo 2:4

Ne midtig̵um ni Hirudis is langun he pengulu te menge memumuhat wey is menge menunudlù te kesug̵uan. Ne mid-insaan din sikandan ke, “Hendei id-anak kes mibpilì te Megbevayà he ibpahadì sumalà is kedtegnaa zengan?”

Juan 8:2

Ne hein nepawà dutun, midhendiyè en maan si Jesus te simbahan he Valey te Megbevayà, ne hein midtig̵um diyà te kandin is langun he menge etew, mibpinuu zutun ne mibpenurù din sikandan.

Juan 8:4

Ne migkeg̵iyan dan si Jesus te, “Menunudlù, heini is bahi, nesekazan dey sikandin he edselselaan din is esawa zin.

Juan 8:9

Ne hein nezineg te menge Perisiyu haazà is migkag̵i zin, nemen-awè dan dutun he tigseselimbaha. Midhuna is utew meg̵urang ne henduen dà duen. Ne hein naamin dan en, netag̵ak haazà is bahi ziyà te etuvangan ni Jesus.

Juan 9:13

Ne zutun miduma zan diyà te menge Perisiyu haazà is neulian he lakap.

Nengeulaula 4:7

Ne impeetuvang dan si Pedro wey si Juan, ne mid-insaan dan te, “Hengkey heini he g̵ehem is ingkeulii kayi te kenà ebpekehipanew, ne hentei is mibeg̵ey keniyu kayi te g̵ehem?”

Ruma 7:3

Iyan, emun wazè pa mebpatey haazà is esawa zin ne ebpekiduma wey ebpekidhulid te sengememaame en, ne nesupak din is belaud su neselselaan din haazà is esawa zin. Ne emun ebpatey is esawa zin, ebpekepeesawa ne kenè en ebpekesalà sikandin su nelibri sikandin dutun te velaud mehitenged te telteleesawa.