Juan 8:25 - Manobo Western Bukidnon

²⁵ Ne migkag̵i zan te, “Hentei ka?” Ne midtavak si Jesus te, “Iyan a sikan is layun ku en egkeg̵iya keniyu puun pa te puunà te kebpenurù ku kayi.

Juan 8:25 Кръстосани препратки

Lucas 22:67

Ne mid-insaan dan si Jesus te, “Hengkey, iyan ke en be iyan sikan is mibpilì te Megbevayà he ibpahadì?” Ne midtavak si Jesus te, “Minsan ke egkeg̵iyen ku keniyu he iyan a, ne kenè kew edtuu te egkeg̵iyen ku.

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Juan 1:22

Ne ke sikandan en maan te, “Keg̵iyi key ke hentei ka su kinahanglan he zuen idtavak dey te midsug̵ù kenami. Hengkey is egkekag̵i nu mehitenged kayi?”

Juan 10:24

Ne midtig̵um diyà te kandin is menge punuan he menge Hudiyu, ne mid-insaan dan sikandin te, “Maan is kemulu nu pa id-eles kenami ke hentei ka? Keg̵iyi key. Iyan ke ve sikan is mibpilì te Megbevayà he ibpahadì?”

Juan 19:9

ne midseled en maan sikandin dutun te turug̵an ne ke sikandin diyà te ki Jesus te, “Hendei ka ebpuun?” Ne wazà dutun medtavak si Jesus.

Juan 8:12

Ne mid-uman megkag̵i si Jesus diyà te menge etew, ke sikandin te, “Iyan a sikan is kerayag he ebpeketayew te isip te tivuuk he menusiyà. Ne is etew he edsundan kediey, kenà en sikandin egkesakup te g̵ehem te kerusireman, kekenà, egketeyawan is kedsavut din te kerayag he ebpekeveg̵ay te untung he wazà pidtemanan.”

Juan 8:24

Umba migkag̵i ku keniyu he ebpematey kew he kenà egkepeseylu is menge salè niw su tutuu iyan haazà emun kenè kew edtuu he iyan a sikan is mibpilì te Megbevayà he ibpahadì.”

Juan 8:26

Mezakel pa pezem,” ke si Jesus, “is menge lalag ku keniyu mehitenged te menge ulaula niw wey niw mesavut he mezaat is menge vaal niw, iyan, iyan dà ibpesavut ku zè pa te menusiyà is nezineg ku ziyà te midsug̵ù kedì, ne egkeserig̵an is menge lalag din.”