Juan 8:23 - Manobo Western Bukidnon

²³ Ne migkag̵i en maan si Jesus te, “Meg̵inged kew zini te kelibutan; siak, meg̵inged a ziyà te langit. Dini kew ebpuun te tanà, iyan, siak, diyà a ebpuun te zivavew.

Juan 8:23 Кръстосани препратки

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

Juan 17:14

Sikan is lalag nu he ibpepenurù nu kediey, impenurù ku en kandan, ne migkuntada sikandan te menge etew zini te kelibutan he kuntada nu su wazè dan upakat kayi iring te wazà daan kedì he upakat te menge kuntada nu.

Juan 17:16

Wazè dan upakat te menge etew he kuntada nu iring te wazè ku zaan upakat dutun te menge kuntada nu.

Juan 3:13

Hentei is nekehendiyà te langit? Iyan e zà is Kakey te Menusiyà su ziyà a ebpuun te langit.”

Juan 3:31

Is ebpuun diyà te langit ne lavew sikandin te minsan hentei. Is menusiyà, ne zini zà ebpuun te kelibutan ne kelibutanen dà is egkeg̵iyen din. Iyan, sikan is ebpuun te langit, lavew sikandin te langun.

Santiago 4:4

Kenè kew metinumanen te pesarig niw ziyà te Megbevayà. Wazè niw ves metueni he emun iyan niw egkesuatan is mezaat he ed-ul-ulahan te menge kuntada te Megbevayà dini te kelibutan, ne menge kuntada kew zaan te Megbevayà. Is minsan hentei he iyan egkesuatan din is mezaat he ulaula zini te kelibutan, mibpekigkuntada sikandin te Megbevayà.