Juan 8:20 - Manobo Western Bukidnon

²⁰ Heini migkag̵i ni Jesus dutun te kebpenurù din diyà te simbahan he Valey te Megbevayà, diyà te rug̵u he egngezanan te Selevukà te Lugbak. Wazà midakep kandin dutun su wazè pa itug̵ut te Megbevayà.

Juan 8:20 Кръстосани препратки

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Mateo 27:6

Ne is menge punuan te memumuhat, hein nekuwa zan sikan is selapì, migkag̵i zan te, “Ebpekesupak kiw te kesug̵uan ke id-ulug tew heini ziyà te teleg̵uey te selapì kayi te simbahan su imbayad heini wey mehimetayi is etew.”

Marcos 12:41

Ne sevaha he timpu zutun he ziyà ebpimpinuu si Jesus te seled dutun te simbahan he Valey te Megbevayà, ne ziyà sikandin te uvey te teleg̵uey te halad he selapì. Ne ebantey sikandin te menge etew he edsavuk te halad dutun te teleg̵uey. Ne mezakel is menge sepian dutun he utew zekelà he selapì is insavuk dan dutun.

Marcos 12:43

Ne zutun mid-umew ni Jesus is menge sumusundan din he med-uvey zan diyà te kandin ne ke sikandin te, “Benar is egkeg̵iyen ku he haazà is balu he vahi, sumalà is ked-isipa te Megbevayà, utew lavew is inhalad din te langun he inhalad kayi te zuma he menge etew.

Lucas 20:19

Ne zutun, is menge menunudlù te kesug̵uan wey menge punuan te menge memumuhat te Megbevayà, nesavut dan he iyan din sikandan egkeg̵iyen dutun te sempità, ne ed-isipen dan dutun pezem edekepa si Jesus, iyan, nahandek dan te mezakel he menge etew.

Lucas 21:1

Naahà ni Jesus is menge sepian he etew he ed-ulug te halad dan diyà te teleg̵uey te halad he selapì.

Juan 10:39

Ne edekepen dan en maan pezem si Jesus dutun, iyan, nekelikey sikandin.

Juan 2:4

Ne ke si Jesus te, “Inà, kenè ka kedì mebayàbayà su wazè pa metuman is hustu he timpu te kebpaahaa ku te g̵ehem ku zini te menge etew.”

Juan 7:14

Ne zutun te egkeliwliwazè en is kebibuwan, midhendiyà si Jesus te simbahan he Valey te Megbevayà, ne mibpenurù din is menge etew zutun.

Juan 7:30

Ne edekepen dan pezem si Jesus dutun, iyan, wazà nekeaku he egawed kandin su wazè pa itug̵ut te Megbevayà.

Juan 7:44

Ne is duma he etew zutun, egkesuatan dan he mezakep dan si Jesus, iyan, wazà nekeaku he egawed kandin.

Juan 7:8

Huna kew en diyà te pista. Kenè e pa edhendiyà su wazè pa metuman is kedì he timpu te kedhendiyà.”

Juan 8:2

Ne hein nepawà dutun, midhendiyè en maan si Jesus te simbahan he Valey te Megbevayà, ne hein midtig̵um diyà te kandin is langun he menge etew, mibpinuu zutun ne mibpenurù din sikandan.

Juan 8:59

Ne zutun migkuwa zan te menge vatu su idtuleng kandin su edhimetayen dan pezem, iyan, mid-eles si Jesus ne mid-awà dutun te simbahan he Valey te Megbevayà.